زاواج الاجبار "بالهجة الجزائرية "🇩🇿

مريضة

في هذي الدنيا كاين الظالم والمظلوم أنا ظلموني دارنا و ظلمت الإنسان لي راني عايشة معاه عارفة و معترفة بهذا الشي و ربي يسمحلي لحاجة لوحيدة لي درتها عل جالو هي

اهتمامي بإبنه هذا وش خسرت عليه من نهار لي جيتو.... ماننكرش بلي هو إنسان طيب و هادئ و حنين بزااف اي بنت تتمناه و ماننكرش إنو كان يعجبني سيعات كان دايما يجي للشمبرة نتاعي و يطل عليا و سيعات يغطيني و كي رجعت نبات معاه جامي قربلي ولا رقد معايا كنت نتجاهلو و نعطيه غير الكلمة القاسية سيعات نلقاه راقد في الارض و

سيعات في الصالة و سيعات ميرقدش خلاص كنت قاسية معاه لأقصى الحدود و هو كان حنين معايا لأبعد 5

الحدود لدرجة إني وليت نحس بتأنيب الضمير .

بقيت على هذيك الحالة شي شهر ولا كتر و انا مش قابلة

بحتى واحد غير ساكتة و نشوف فيهم و خلاص

قال الطبيب حكمني إكتئاب حاد و صدمة بسيف باش نخرج منها كنت صح نسمعهم مي منجاوبش غير ساكتة .. إقترح رافد إنو يديني على طبيب نفسي و كيما كان الحال داني و بشوية خلاص وليت نكتب كلمات خطرة كتبتلو "حاولو إغتصابي..." و خطرة "مات" من أحب.." و خطرة "أظلم من يتزوجني.." و آخر حاجة نشغالها كتبتها "أنا سيئة جدا لا يمكنني الإستمرار في هذا...

عند واحد صاحبو مكنتش نتجاوب معاه خلاص يعطيني ورقة و ستيلو و يقولي إكتبي أي حاجة و أنا دايما منكتبش

مكنتش نقدر ندير اي حاجة من الطبيب للشمبرتي نرقد و كي نشوف الرجالة يحكمني البكي و نعود نعيط وحدي وحدي مراني قابلة حتى واحد غير رافد و شوية الطبيب

هذاك النهار رجعت تعبانة في حالة ايا دخلت للدار صبت دارنا جاوني كانت اول مرة ولا المرة الثانية يجو يطلو عليا من نهار تزوجت مي انا مبغيتش نشوفهم ولا حت نهدر معاهم و انا رايحة لشمبرتي جا هذاك تقي فايت عليا مع شفت فيه تفكرت وش دارلي بقيت نشوف فيه و ساكتة و هو وجهو صحيح بقى يشوف معايا قربت ليه و حطيت يدي عل خدو نمس فيه بشوية كان رد فعل غريب قلتلو "صافي حققت وش تبغي..." و إبتسمت معاه و هو يبتسم تاني قالي "مزال كاين حوايج اخرى باغي نحققهم... حت انا عندي حاجة باغية نحققها .... قربلي و قالي "تفضلي ... يدي لي كانت تمس فيه هزتها و عطيتو وحد الكف لي دم نتاع نيفو طروش وش كنت تتوقع مني مثلا .. نبادل الرخس لي راك فيه !!! تتوقع إني نكون ضعيفة قدامك ؟؟! جاامي غير محيها من عقلك هذي الفكرة متنساش راك مع لمدام شهد ## و قبل ما نكون مدام #### راني شهد @ فهمت ولالا ... و دخلت الشمبرتي حسيت رجليا فشلو تعرفو هذاك التصنع نتاع ديري روحك قوية من برة بصح في الحقيقة راكي أضعف إنسان في الكون هكاك كنت انا ...

(يتبع .. مرسي على تصويتكم وتعليقاتكم الشابة كيفكم )