زاواج الاجبار "بالهجة الجزائرية "🇩🇿

لقاء

مع وصلنا دخلت نجري للدار وصلت الشمبرتو فتحت طول الباب بلا ما نطبطب كان متكي بديت نعيط عليه و نبكي علاااااش علااااااش يا ربي علااااااش مقتليش أنا وش در تلكم لي ديرولي هكاااا يعني مش حرام عليكم تخدعوني هكاا " و هو متحركتلوش شعرة قربت ليه و دورتلو وجهو جيهتي كالعادة ميشوفش فيا عيطت عليه شوف معااايا ني هنا شوف في عينيا " و هو يلعب في عينيه كل مرة وين تأكدت صح .. طحت في بلاصتي نبكي يديا يرعشو و غير نشهق طابص ليا راح يشدني من كتافي و بعدتلو يده بعد عليا ماتمسنيش " عيطت عليه و نضت خرجت نحوس عل تليفوني باش نكلم بابا يفهمني في هذا الشي لي باعني على جالو بقا تليفونو يصوني و هو لا علاقة مبغاش يرفد و انا نرعش بالكامل بابا خدعني باعني على جال الدراهم بابا يكرهني انا وش درت في حياتي حتان يصرالي هذا الشي كامل ؟؟؟ خرجت من الدار وحدي نجري لازم نروحلو للدار و نقلبها عليه و معادش يزيد يشوف فيا للمامات...

وصلت بعد نص ساعة هكاك طبطبت الباب بالقاوي حتان خرجلي خويا الصغير فرح كي شافني بدا يعيط "مااماااا اي جاي شهد شهودة " و انا خبطتو مسكين الله غالب القلقة دخلت طول طول لقيت بابا مسطح يتفرج و ماما توجد في لغدا شاف فيا بابا و انا في هذيك الحالة قالي ببرودة "واش
هربتي من دار راجلك ؟" شعلت فيه ايه هربت من دار راجلي لي بعتني ليه راجلي الأعمى لي ميشوفش و مش راح يشوفني ... بعتني ليه باش نكون خديمة عندو ؟؟ اه رجعت بنتك رخيصة لهذي الدرجة تكرهني ؟؟ في عمري ما توقعت ديرلي هذا الشي ا بابا لي كنت نتا لقدوة نتاعي ... نكرهك و متزيدتش تغلط في إسمي أنسى بلي عندك بنت إسمها شهد ... كنت نعيط عليه و نبكي و هو غير ساكت خرجت يما من بعيد وش بيك وش صرالك تاني ؟؟" شعلت فيها نتي بعد أسكتي جامي شفت أم ترمي بنتها لراجل مكفوف و فوق هذا جاية تحوسني نشرط علاش مقلتليش ؟؟؟" قالتلي قلتيلي نشرط غير قرايا و هو كن يكون حت معوق نورمال قابلة بيه..