زاواج الاجبار "بالهجة الجزائرية "🇩🇿

فواياج

نحيت قشي دخلت دوشت و خرجت تكيت على سرير ديراكت ، راقدة بقيت نخمم مع روحي حتى دخل عليا زينو يعيط و يبكي و هاز يدو يجري ويقول: "ماما ماما شهد

متروحیش و تخليني وحدي ... وقفت انا من بلاصتي تحضنتو و قلتله مانيش رح نخيلك | ولدي شكون قالك راح نخليك ... "بابا" قال راكم مسافرين غدوة مش راجعين لهنا خلاص " يا عمري نديك معايا منخليكش وحدك منقدرش نعيش بلا بيك " كنت نبوس فيه و نبكي معاه راهو يقطعلي قلبي هذا الطفل كنت نموت عليه كان هو لي سيعات ينحلي الغمة و القنطة كي يشوفني في هذيك الحالة يجيني يحضني ويقولي " ماما شهد ني نحبك متموتيش كيما ماما وتخليني .. وانا قلبي غير يتقطع تقريبا هو لي خلاني نصبر و نبقى على جالو مع رافد ...

شفت في رافد و قلتلو وين رايحين؟

راحلين للعاصمة ...

"علاش ؟"

قالي الطبيب لازم تبدللها الجو والدار بلاك تبرى و ترتاح نفسيتها .....

كان يحكي عليا ولا راني غالطة !!! إيه عليا انا كان يخمم في مصلحتي ؟؟! يخمم عليا ؟؟!! ولا راهو يشفق عليا برك ؟؟؟؟؟ حطيت زينو على السرير و قربت الرافد حضنتو و قلتلو

نتمنى يكون إهتمامك مش من باب الشفقة ... شفت ملامح وجهو تبدلت وشيه" وليت قاسية مرة

اخرى.....؟؟ حكمني من كتافي و قالي شهد" راكي عيانة روحي ارتاحي شوية ..." و شدني داني للسرير رقدني و غطاني شد زينو و

جا رايح شديتو من يدو

رافد متروحش أبقى معايا حاسة روحي مش مليحة" طابس ليا و كانت أول مرة تجي عينو في عيني بقيت نشوف فيه مدة حسيتو راه يشوف فيا عكس البرود لي مالفة نشوفو في عينيه ... حط يدو على خدي و أول مرة يحطها صحيحة مالف يتحسسلي وجهي كامل باش يوصل لخدي - قالي راني" هنا مش راح نخليك وحدك مش

شفقة كيما كنتي تقولي مي كي وليتي زوجتي و مرتي لازم

نهتم بيك بأي طريقة ...

طاحو دموعي بغيت نبكي بالصوت بغيت نضرب روحي نقطع قشي نقتل روحي علاش دايما نجرحو بكلامي و يطلع
عکس تخمامي طووول

( يتبع و بزاف احداث يستناو متراطوش القادم 😍)
(تحبو نهاية حلوة ولا حزينة ؟ ) الغالب قالب الشيرات .