زاواج الاجبار "بالهجة الجزائرية "🇩🇿

خطبة ؟

دخل للطوموبيل يعيط يا بنت🤬 ***... ليوم موتك عل يدي " و انا غير نرعش يا بابا ربي يهديك والله مبيناتنا والو راه ولد عمي شبييك " "بلعي 🤬فمك قالو ولد عمي لعما يحكمك نتي وياه " و هو يسوق بالقاوي حسيت قلبي حبس من الخوف و من كلش بعد شي ربع ساعة وصلنا للدار و طاح فيا بابا من حذا لباب يضرب و يعيط عليا و يسب ماما ماصابت ما دير غير تفك فيه و هو يضرب فيها تاني مخلانيش حتى نفهمو لموضوع تقعدي هنا كعرة لبنات لا قرايا لا خرجات اول واحد يجي يخطبك نمدك ليه كن يعود حت شايب " و خبطني بقرعة الراسي و خرج ... انا بقيت في بلاصتي نبكي و مبقا فيا والو و ماما زادت كملت عليا "وش " درتي اااا نهار طول بمشاكلك مخسرتش حت تجيبلي حاجة بقيت هكاك لي هرمت من لبكي لا ماكلة لا شراب لا والو حبست لقرايا مروحتش قريب 20 يوم بابا متحرکتلوش شعرة عليا و ماما تاني تخسر عليا غير هذيك اللقمة
لي تجيبهالي... في هذوك الايام جا محمد لبابا و بالطبع بابا مبغاش حت يفهم عليه و طردو من الدار هذا الشي كامل على جال هذاك الوقت ماما ولدت جابت طفل عندو يا ربي سمانتين و مات من الصفاير و عمي بابات محمد كان مداير عرس نتاع بنتو لكبيرة كي قالو بابا مديرش العرس ولدي مات و عمي مبغاش قالو راه صغير خلينا نكملو العرس طفلة عندها 3 سننين و هي تسنى بابا مبغاش يفهم و قالو لا تعرفني لا نعرفك ليوم الدين من هذاك النهار عتبة دار عمي مدخلنهاش و هوما تاني مي هو ما شحال من مرة حاولو يتقربو منا و بابا راسو يابس محمد كبير عليا ب 5 سنين كنا عايشين كيف كيف يعني في دار وحدة قبل ما نرحلو حنا من دار جدي شغل تربينا مع بعض و جامي لا تبلاني ولا دارلي كاش عفسة مقودة كان يحبني صح و انا تاني حبيتو كخويا كحبيبي كولد عمي ككلش مي لمكتوب كان عاكسنا في كلش رغم انو مادرنا حت حاجة تغضب ربي حت باش نكونو كوبل مكناش وحد النهار كنت راقدة حتان جاتني ماما تعيط "يا طفلة نوضي تغسلي روحك غدوه جايين يخطبوك ونتي راقدة..