زاواج الاجبار "بالهجة الجزائرية "🇩🇿

...

كمل هو قبلي هز طبسيه و حطو في لافابو نتاع لما عن و جا خارج قالي كنت نخساب بلي راكي عارفة بحالتي مكنتش علابالي بلي راكي نتي تاني مجبورة عل هذا الزواج عيشي حياتك كيما كنتي عايشة ميهمنيش في حت حاجة لمهم منكونش عائق ليك و خرج شوكاتني هدرتو كاش راجل يقول لمرتو هكا ؟؟؟ اول مذابيا انا كاش كيفي على الاقل نقرا قرايتي قدقد بصح يعني حت هو مجبور عل هذا الزواج ؟؟
هزيت لما عن وغسلتهم رتبت الكوزينة مع إنو كانت مرتبة كانت بالكامل إلكترونيك يعني هو بعد ميتعبش خرجت منها حبيت نكتشف الدار مع إنو مش وقتها خلاص دورت شوية و رجعت لشمبرتي قبل ما ندخل لحت عيني على شمبرتو كان لباب نتاعها مفتوح حبست قدامو كان الضو طافي و هو
راقد يعني كان يسكن وحدو هكا ؟؟؟ للحظة غاضني
لمهم دخلت الشمبرتي و رقدت صباح نضت بكري باش نطلع للافاك نشوف أموري صبت خالتي نادية جات هي تجي على 5 نتاع الصباح مفهمتش علاش -

و لمشكل علابالها بالكود نتاع الباب يعني تدخل وحدها دخلت للكوزينة لقيتها طيبت لفطور بففف كنت باغية نطيبو انا ايا صبحت عليها و قعدت شربت شوية جيو مع حبة قاطو و قلتلها "خالتي نا ني رايحة للجامعة كي ينوض رافد
قولو مبغيتش نوضو و هو راقد " قاتلي "اصبري نكلم لخالد يجي يوصلك بسكو وصاني قالي
متخليهاش تخرج وحدها " اه علاش ني رايحا في البيس مع الناس !" تشوكيت من هدرتها
قاتلي " هو قالي هكا منقدرش نرفضلو طلب " اوووف ني نكرهو هذاك خالد " قلتها بلا منفيق حتان بقات تشوف فيا و هي مشوكيا كلماتو و بعد ربع ساعة جا خرجت ركبت في الطوموبيل هو حاول يحكي معايا و انا درت الكتمان و زدتلو لللخر وصلت للافاك دخلت لقيتهم افيشاو
بروغرام نتاع الامتحانات