زاواج الاجبار "بالهجة الجزائرية "🇩🇿

!

ما جيت نكمل حوايجي كان صبتو رقد ... لبست بيجامتي و طلعت للسرير رقدت دايرة ليه بقيت نشوف فيه مدة كيفاش راقد قدمت ليه وقلت كان راقد كيما نتا هكا .... حطيت يدي على وجهو بالضبظ في خدودو نمس فيه بشوية بستو من عينو "بستو" هنا ..." و زيدتو وحدة في نيفو "و هنا .... وحدة اخرى في خدو "و" هنااا..." و في جبهتو و بجانب فمو " و حت هنا .... كانو دموعي يطيحو وحدهم بستو فوق خانتو لي تحت عينو و قلت بصح هذي مقدرتش نشوفها لآخر مرة بسكو كانت هنا .... و حطيت يدي في رقبتو في جيهة الخانة لي كانت عند محمد و فجأة حكملي رافد يدي و رجعني تحتو و هو فوقي كان يضغطلي عل يدي وجعني بزاف مي مقدرتش نهدر غير نتوجع و نبكي .. قالي نقبل بكلش غير إنك تتخايليني راجل أوخر ولا تعيطيلي بإسم راجل أوخر هذي منقبلهاش....." شفت في عينيه الدم وجهو ولا احمر طماطم مع جيت ننطق نقولو "سمحلي ..." و يسكتني ببيزو في فمي كان فيها كل الحقد والكره و الاعصاب

حسيت بالدم في شواربي من الضغط نتاعو .. خفت منو بزااف هذيك الليلة حسيت شغل راح يغتصبني .. تفكرت خوه تقي وش دارلي و حكمني بكاء هستيري بعدتو عليا بالسيف حتان طحت من فوق السرير قربت لوحد الركنة و بقيت نعيط و نبكي متمسنيش" ربي يخليك ... وش درتلك انا ... يا ناس راهو باغي يغتصبني " نبكي و نشهق بالصوت ناض شعل الضو و جاني و انا غير يقربلي نوض نعيط و نبكي " شهد ربي يحفظك اسمحيلي مكانش قصدي .." و انا نضرب فيه ونعيط رووح اخطيني متمسنيش ..." غير يقيسني نوض نضرب فيه هو يحاول يحكمني باش يسكتني و انا نخبط فيه وفي روحي حتان ضربني بكف

لوجهي ! هنا أنا هديت هبطت يديا للأرض طلعت راسي نشوف فيه و

دموعي يسيلو وحدهم. أهداي ماصرا واالو علاش راكي ديري في روحك هكا ؟ " كان راح يغتصبني كيما نتا ذركة ... نتا وياه كيف كيف ...

كنت نحكي و نرعش

"شكون هذا ؟!!" نضت نبكي مقدرتش نقولو بلي خوك خفت كاشما تصرا مشكلة و نعود أنا هي السبب ... حضني و هو يمسحلي عل راسي و شعري سمحيلي مكانش قصدي .... رقدت و انا في حضنه حسيت بالأمان معاه بوغتون ضربني بوغتون حاول يغتصبني مي كاينة حاجة مخليتني نبقى معاه مفهمتش وشي هي ؟؟ كنت حاطة راسي في صدرو و هو ضامني ليه و نبكي نقولو علاش ضربتني وش در تلك ؟ زاد شدني ليه و قالي "مش بيدي والله سمحيلي ..."

بقينا على هذيك الحالة حتان رقدت نضت الصباح صبتو مكانش في الشمبرة ايا دخلت للدوش دوشت لبست قشي و خرجت كانو كامل قاعدين و يحكو تولهت للساعة كانت 11 دايما روطار انا ..