زاواج الاجبار "بالهجة الجزائرية "🇩🇿

خوه ؟

ایا خرجت ليهم لقيتهم يضحكو معلا بالهمش بالدنيا خلاص سمحولي ني مريضة شوية دوا رقدني بلا منفيق ... قلتلهم و انا نبتسم مع يماه قاتلي علابالي | بنتي راهو قالي رافد
بلي مريضة نشالله تكوني ريحتي شوية " ايه الحمد الله طاطا سعاد .. شكرت ربي و حمدتو لي كذبت نفس الكذبة نتاع رافد مي صح كنت مريضة خخخخ لمهم قعدت معاهم و هذاك خوه تقي من قعدت و هو يشوف معايا مفهمتش علاش عقدني... لمهم نضت وجدت لعشاء مع خالتي نادية و نور ايا قعدنا كامل في الطابلة و قعدت أنا حذا رافد لأول مرة كانت الماكلة على انواعها و راغد يأكل بشوية خلاص شغل خايف لا يسيح على روحو و أنا لا إراديا نحطو في الماكلة حذاه و نقطعلو في اللحم و نوكل فيه كالطفل الصغير "هذا لحم مفور نذوقك منو ؟ " قلتله و انا نشوف فيه كان عبارة عن كتلة من الجمال أول مرة نركز فيه كان باين عليه حشمان قربت لوذنه و قلتله.....متلعبهاش حشمان ياك قلتلي خلينا نمثلو قدام دارنا.. وإبتسمت شاف فيا خوه تقي و قال هاه على الاقل خلونا ناكلو و تمعشقو عل رواحكم و ناضو كامل يضحكو و انا في قلبي كن غير جينا نتمعشقو بففف قال باباه ايه مزالهم عرسان جدد خلوهم يعيشو حياتهم . ضحكت انا و قلتلهم يسما" حت تقي و منال مزالو عرسان جدد تقدرو تتمعشقو " نطق تقي "ايه حبي علاش منتمعشقوش و هو يوكل في منال " لحق شفت لوجوه الصحيحة بصح كيما تقي مشفتش و خسارة طاح مع وحدة وجها محروق مش صحيح برك ايا كملنا لعشا هزيت لما عن و روحت نغسل فيهم مع خالتي نادية جات هذيك منال زعمة باش تعاونا قلتلها "خلي عليك برك متشقيش روحك " قاتلي "حت انا مجيتش باش نغسل .. جيت باش نشوف لعروسة الجديدة " شوكاتني قلتلها "ايه براحتك ... معطيتهاش وجه و کملت نفرز حتان نطقت "اهيه مالا كنتي عارفة بلي اعمى و متزوج و قبلتي بيه دورت عليها و شفت فيها ايه" علاش منقبلش ماهوش عبد كالعباد ؟"
قاتلي اووه إنسانية زعمة .... كنت عارفة وش تقصد بصح مبغيتش نطاوعها هذي جاية ديرلي في المشاكل و انا مش في نفس نتاع مدابيزة قلتلها"معليهش نسقسيك ؟"
"ايه تفضلي .."
نتي علاش قبلتي بتقي ؟!"
" بسكو نحبو .."
وهو يحبك مثلا ؟؟"
هي هنا سكتت مفهمتش علاش بصح كنت متأكدة بلي ميحبهاش من نظراتو بسكو من قعد و هو يشوف فيا في
شوفة نتاعو نتاع خبث.

(يتبع )