زاواج الاجبار "بالهجة الجزائرية "🇩🇿

عرفت وشبيه

رجع عينيه للآيباد و قالي متروحيش وحدك روحي لخالد يوصلك و يرجعك " معرف علاش خفت کي هدر معايا حسيت صوتو رجولي بزاف فيه هيبة ترعشك ايا قلتلو "مرسي " و خرجت

لبست حوايجي درت خماري وشوية ريحة انا منديرش المكياج بسكو يقولولي شابة بلا بيه هههه ايه مقلتكلمش انا خمرية عينيا نوازات رايحين للخضورة و کبار و مشفرین شعري طويل و شاتان ماني رقيقة ماني سمينة متوسطة مع طولي يعني نا طويلة 1.75 ت و أكثر حاجة يقولوهالي إني مسرارة وضحكتي شابة لمهم منحبش نشكر روحي بزاف ايا خرجت و روحت لهذا خالد كان صغير في العمر يا ربي 29 ولا 30 سنة ركبت من لورا مع قلتلو اديني للطبيبة فلانة شاف فيا و انا تاني و هنا كانت الصدمة !!

آخر حاجة كنت نتوقعها إنو يكون خالد هذا خالد لي نعرفو لي خطبني لعام لي فات و مقبلتش بيه و دارلي لمشاكل بسيف باش خرج من حياتي و ليوم عاود دخلها و بجدارة يا ربي انا وش درت حتان يصرالي هذا الشي كامل ؟؟

قالي هذي نتي شهد ** ولا راني غالط ؟" قلتلو إديني للطبيبة الفلانية من فضلك ...
قالي بعتيني عل جال المادة اه ؟؟" قلتلو " ياك فضيناها هذاك العام صايي كل واحد في طريق ...قالي "مكنتش نخسابك تبيعي روحك لواحد مكفوف على جال المادة " وضحك ضحكة إستهزائية وديمارا بالطوموبيل و أنا أكثر حاجة ركزت فيها هي "مكفوف"
قلتلو و انا مشوكيا " اه وش قلت ؟؟"
وشنو مسمعتيش وش قلتلك ولا تلعبي فيها !!" مانيش في حالة تسمحلي نلعب فيها عاود وش قلتلي خير
لك " ضحك و قالي تزوجتي بواحد أعمى على جال الدراهم " ويتفلق بالضحك تقول مين دغدغو أما انا حكمني شوك عينيا ترغرغو بالدموع كتمت شهقتي و قلتلو رجعني للدار ذركاااا " و انا نعيط جاب ربي مبعدناش بزاف..