زاواج الاجبار "بالهجة الجزائرية "🇩🇿

...

طاحو دموعي بغيت نبكي بالصوت بغيت نضرب روحي نقطع قشي نقتل روحي علاش دايما نجرحو بكلامي و يطلع

عکس تخمامي طووول تبكيش .. ضرك ريحي روحك شوية منبعد نجيبلك لعشاء كولي و ارقدي ريحي روحك بسكو غدوة مسافرين اوك ... حركت رأسي بمعنى إيه باسلي جبهتي و خرج هو وزينو..... دخلت في بعضايا و رقدت مكانش عندي نفس ناكل في

هذيك الدقيقة طول.... معلاباليش شحال فات من لوقت مي متأكدة فات بزاف كي

جا رافد ينوض فيا "شهد" هيا تاكلي باش تشربي دواك.. نضت شدني من يدي وخرجنا من الشمبرة وصلنا للجاغدان قعدنا حذا بعضانا و بدا يوكل فيا ضحكت انا بالخفة و قلتله

"نورمالمون أنا لي نوكلك.." قالي علابالي كن نخليك تاكلي وحدك متاكليش هكا ضمان"... خير"

لازم تاكل حتى نتا ... هزيت الفرشيطة وبديت نوكل فيه و هو ساكت و يشوف معايا ناكل انا و نوكل فيه هو من نفس الطبسي و نفس الفرشيطة و المغرف حسيت بالراحة لأول

مرة.. كملنا لعشا نضت هزيت لما عن وغسلتهم و هو كان قاعد ورايا في المائدة يسنى فيا ايا خلصت روحت لعندو شديتو و ديتو للشمبرة ... لقيت زينو راقد غطيتو و جبدت الفاليزات باش نحط القش قالي إدي" لحوايج النيسيساغ

برك راه کاین کلش فما كان متكي في السرير قلتله و نتا درت حوايجك ؟"

"إيه دارتهملي نور قبيلة ... سکت و کملت ندير في حوايجي يعني علاش مقاليش نديرلو انا ؟ ياك انا مرتو كيما راه يقول ولا غير يحشيلي !!! غاضتني روحي بدون سبب

ما جيت نكمل حوايجي كان صبتو رقد ... لبست بيجامتي و طلعت للسرير رقدت دايرة ليه بقيت نشوف فيه مدة كيفاش راقد قدمت ليه وقلت كان راقد كيما نتا هكا .... حطيت يدي على وجهو بالضبظ في خدودو نمس فيه بشوية بستو من عينو "بستو" هنا ..." و زيدتو وحدة في نيفو "و هنا .... وحدة اخرى في خدو "و" هنااا..." و في جبهتو و بجانب فمو " و حت هنا .... كانو دموعي يطيحو وحدهم بستو فوق خانتو لي تحت عينو و قلت بصح هذي مقدرتش نشوفها لآخر مرة بسكو كانت هنا .... و حطيت يدي في رقبتو في جيهة الخانة لي كانت عند محمد و فجأة حكملي رافد يدي و رجعني تحتو و هو فوقي كان يضغطلي عل يدي وجعني بزاف مي مقدرتش نهدر غير نتوجع و نبكي .. قالي نقبل بكلش غير إنك تتخايليني راجل أوخر ولا تعيطيلي بإسم راجل أوخر هذي منقبلهاش....." شفت في عينيه الدم وجهو ولا احمر طماطم مع جيت ننطق نقولو "سمحلي ..." و يسكتني ببيزو في فمي كان فيها كل الحقد والكره و الاعصاب