زاواج الاجبار "بالهجة الجزائرية "🇩🇿

اخر ملاقات...

قابلتني وحدة حذايا دخلتلها و قفلت لباب تكيت عليه و بديت نبكي على زهري على أيامي و على روحي و عل حت هذا النهار المشؤوم
لبنات يفرحو في نهار كيما هذا و انا حسيتو أسوء يوم في حياتي حت الراجل لي ديتو منعرفش مامبا إسمو منعرفوش لحد الان مشفتش فيه ملامحه منعرفهمش وش يدير وش يخدم كيفاش حياتو... وااالو منعرف وااالو
بقيت نبكي حتان رقدت وأنا... مزالني بلاغوب بلونش كالهم قبل شهر كنت لاباس بيا حتان جا هذاك النهار لمسود كزهري .. وأنا خارجة من الجامعة باش نرجع للدار بسكو بابا دايما يجي يديني يعني منروحش في البيس لمهم هذاك النهار كانت الشتا تصب و بابا تأخر بزاف و انا نسنی فيه و.... تبليت بالكامل حتى جاني محمد لي هو ولد عمي يحبني و انا تاني نحبو بصح مراناش كوبل مقدرتش نكون معاه على جال لافامي و زيد شغل باباه لي هو عمي مش متفاهم مع بابا كان يقولي مندير لكش لمشاكل
كي نكمل العسكر نتاعي نجي نخطبك و نشالله يوافق عمي
معليناش هذاك النهار هو جا من العسكر و كان باغي يشوفني

و مخليتوش و هو شكيت كان نهار ... كامل و هو يعس فيا لمهم كي كنت واقفة نسنى جاني جابلي بغابلوي و عطاهالي قالي هيا نوصلك الظاهر عمي مزال" مطول " قلتلو "لالا روح برك من هنا لا يجي و يشوفك نعشو حاصلين " ضحك عليا وقفلي لمونطو نتاعي من فوق يعني القفايل لي حذا رقبتي و عدلي شال نتاعي و قالي تهلاي في روحك وني نحبك صح و نشالله تتحسن" الاوضاع برك و نجي نخطبك
تبسمت معاه كنت نحس بلي هذا
آخر لقاء بيناتنا حسيت بالحب صح هذاك النهار عينيا ترغرغو و مع المطر معادش يبانلي والو نسمع غير في صوت واحد "يا بنت الكلب يالي متحشميش " وتجيني ضربة لراسي معلاباليش حت كيفاش كركرني و دخلني للطوموبيل و منبعد نسمع فيه
يعيط عل محمد يا رخيس مكفاوكش لبنات جيت لبنتي اه
يالكلب كي نتا كي باباك " و هو يحاول يحكي معاه و بابا
يبعد فيه ... و يسب و دنيا مقلبها...