زاواج الاجبار "بالهجة الجزائرية "🇩🇿

وش صرا ؟

"الصارحة معلابالي بوالو.... تشوكات الطفلة دخلتني للشمبرة وقفلت الباب قعدنا فوق السرير و بدات تحكي خويا كان متزوج وعايش لاباس بيه مع مرتو و ولدو وحد الخطرة كان مسافر باش يروحو يصيفو دار أكسيدون ماتت مرتو و هو عمى بسكو تضرب على راسو ضربة قاوية كان مضراار بزاف و زینو حفظو ربي و هكاك تكسر من رجليه ومرض حكمو شوك بوغتون كان في عمرو 3 سنين عل مكانش يقوللنا بابا دار أكسيدون وقتل ماما حتان ديناه لطبيب نفسي و بعدناه على دزاير طوول و خويا مرض بسيف باش رجع شوية خير من قبل كان ميحكي ميضحك موااالو كي قلنالو روح دير اوبيراسيو على عينيك في تونس ولا فرنسا مبغاش دوكا عندو عامين و هو هكا عايش وحدو و زينو مرة عندو مرة عندنا و هذا الزواج بسيف باش قبل يتزوج غير جال يما عطاتو دعوة الشر باش يتزوج غير باش يلقى وحدة تونسو..و تقوم بیه و بزینو و هو كان يقول منتزوج متزيد تموت المرا لي رح نجيبها قاعد يخمم غير في هذا التخمام " ما جات تكمل هدرتها كان انا دموعي يسيلو وحدهم نخسابو اعمى بالفطرة ضلمتو بزاااف علاش ما صارحنيش برك .. علاش مقاليش برك مانيش راح نرفضو كنت قابلة بيه قابلة حت انا ني مجبورة عل هذا الزواج علاش كل مرة نكتشف فيه حاجة ؟؟" قلتها و انا نعيط و نبكي عنقتني و قاتلي سمحيلنا متلوميهش راهو مزال مضرور حاولي كيفاش تكسبيه راه حنيين غير ربي والزمان" بكيت حتان رقدت غطاتني نور و خرجت حسيت بواحد محضني من لور فطنت مخلوعة درت ورايا لقيتو زينو كان راقد كالملايكة غاضني كي شفتو قطعلي قلبي ... بوستو من جبهتو و نضت كانت 7 نتاع لعشية من 2 و انا راقدة للسبعة -- فهمتش من طايح عليا هذا الرقاد ...