زاواج الاجبار "بالهجة الجزائرية "🇩🇿

وعلاه

معليهش ا بنتي أنا نروح دوركا حبيت نقلك برك لعشا راه
فوق الطابلة و متقلقيش روحك بزاف "
"مرسي خالتي ربي يحفظك وسمحيلي عل تعبك .." تبسمت معاها و راحت روحت لدارها انا عاودت دخلت الشمبرتي الصراحة منحبش ناكل ماكلة من غير ماكلة نتاع ماما ولا ماكلتي و باش نوض نطيب لروحي مستحيل حاسة روحي مش في داري منيش حاسة بالراحة حاسة روحي غريبة..

جبت میکرویا و ادواتي بعثتلي صحبتي الدروس بديت نراجع وش مقريتش بسكو ديجا ني في 3 اشهر بلا قرايا بففف لمهم بايتة نقرا الحمد الله انا راسي خفيف في سع نفهم و نهز في راسي .. وصلت 12 نتاع الليل سمعت صوت في الدار قلبي حبس قلت بلاك راهو رافد بصح وش ينوضو في هذا الوقت و زيد يقدر يمشي في الضلام نورمال ؟؟ جرت عليه قلت مسكين بلاك كاشما يصرالو و هو ميشوفش ايا نضت فتحت باب شمبرتي و خرجت صح ني خايفة بصح كنت شادة تليفوني و دايرة بيه الضوء الدار كبيرة و تخوف بسيف باش وصلت للكوزينة مع دخلت لقيتو هو تشوكيت
في واش كان يدير ؟؟
كان يوجد في الماكلة ويسخن فيها في الميكرو ***
هذا اعمى ولا يلعب فيها ؟
بقيت نشوف فيه و هو يخدم في خدمة نتاع واحد مش
اعمى خلاص ... حط كلش على الطابلة و قعد سمعتو قال
" ادخلي تتعشاي.." حبست في بلاصتي اشومي كيفاش عرف بلي راني هنا و انا كنت نمشي بشوية خلاص ؟؟ دخلت و قعدت في الكرسي لي مقابلو الصراحة كنت جيعانة بديت ناكل و حنا في زوج ساكتين هو مش يشوف اصلا و
انا محاولتش نشوفو..