زاواج الاجبار "بالهجة الجزائرية "🇩🇿

علابالكم ؟

معرفت نبكي ولا نضحك علاش انا وش راني ندير حتان نتعب ؟؟ و زيد تبالي عندي حق باش نطيب و ندير الشغل إلا إذا كان مش معتبرني زوجته ... قلت لكلمة الأخيرة كي شغل کاش واحد جا و فرغ عليا بيدون ما بارد ، بسكو لقيتو
ورايا داخل للكوزينة يعني سمع كلش قالي "ارواحي نحتاجك " و خرج ، شفت في خالتي نادية و خرجت وراه
كان يمشي وحدو بلا عصا نحير فيه هذا الراجل لمهم دخلت وراه لشمبر تو قعد هو فوق السرير وقالي اقعدي إذا بغيتي .... قعدت بجنبو مي بعيدة عليه شوية ليوم جايين دارنا بغيت نقصدك في حاجة برك .." ".. تفضل"
حاجة وحدة برك إنك تجي ترقدي هنا في شمبرتي قدام يما و خواتاتي برك بسكو كن يلقاونا كل واحد في شمبرة يكرهولك حياتك و جيبي حوايجك من هذيك الشمبرة بسكو
ختي صغيرة راح تقعد فيها "

قلتلو قصدك نمثلو قدامهم بلي رانا زوجين مثاليين !" و خرجت روحت للشمبرة بديت نجمل في حوايجي و نبكي انا علاش يصرالي هكا ... ديت قشي و رتبتو في خزانتو في جيهة لوخرا حطيت ادواتي و حوايجي كامل أيا رتبت الشمبرة و سيقتها لمهم ما جيت نكمل الشغل كان هوما جاو دخلت للدوش نجري رتبت شعري وبدلت حوايجي درت شوية روج في فمي كنت كالصفرا ريحت روحي و خرجتلهم
نسمع في أختو غير تقول ها اهو بابا روح بوسو " مع خرجت جات عيني في الطفل الصغير متحضن رافد و يقول
"توحشتك أ بابا .."
امو و خواتاتو و حت خاوتي الذراري كامل جاو سلمو عليا و هومت فرحانین بیا و انا كنت متشوكيا باغية غير نعرف
شكون هذاك الطفل الصغير !

قعدنا كامل في الصالة نهدرو و نضحكو وانا كان سقساوني نحكي مسقساونيش ني ساكتة ... جات نور أختو الصغيرة
كانت كبيرة عليا بعام برك جابت الطفل الصغير و قاتلو سلم
على ماماك الجديدة " أنا وقفتلي الهدرة تعقنت حكمني شوك
وشيه يماااه الجديدة ؟؟؟؟

جاني طفل الصغير كان في عمرو 5 سنين هكاك حضني و انا الدموع طاحولي ملقيت ما ندير بستو و رجعتهولها..... نضت من حذاهم للشمبرة نبكي غاضتني روحي علاش خدعوني هكا ؟؟ كان متزوج من قبل و عندو طفل ؟ بلاك مزال متزوج و مطلق أنا علاش يصرالي هكا ؟؟ كن قالولي برك باش نعرف علاش خلاوني كالأطرش في الزفة طبطب الباب نضت مسحت دموعي و فتحتو لقيت اختو نور
"شهد شبيك ؟؟"

اه والو ممم كي شفتو تفكرت يماه غاضني .." ليكيدتها نتاع
شغل راني عارفة الحكاية قاتلي "معليهش هذي هي الدنيا نتي وش عليك تتهلاي فيه برك حنا ديناه معانا هذو 4 شهر باش تبقاو مع بعض عرسان جدد " و غمزتلي و أنا تفلقت بالضحك يا او نضحك من قلبي قال عرسان جدد قال هي تشوكات مني منبعد حبست و قلتلها ايه ربي يحفظكم خففتو عليا شوية نشالله نتهلا فيه .... حضنتني و قاتلي
يعيشك ختي والله خويااا عانى بزاف في حياتو نشالله
تعوضيه شوية " لا إراديا قلتلها علاش" وش بيه؟ شافت
فيا و قاتلي "علاش معلابالكش ؟!"

(يتبع )