زاواج الاجبار "بالهجة الجزائرية "🇩🇿

نساعف

مع كل كلمة قريتها بكيت الدم مقدرتش حت نجاوبو و انا غير نبكي نص عمري راح مع هذاك الميساج حكمت بدلت إسمو لمحمد ولد عمي وحطيت التليفون نشفت شعري و لميتو ايا قعدت هكا شوية نسمع في الباب يطبطب نضت فتحتو لقيت مرا تبان شوية كبيرة مدام لغدا راهو واجد "
قتلها اه وشمن غداء ؟؟ قصدي وين ؟؟

ضحكت لمرا و قاتلي ساعة راهي 12:30 ونتي لذركة مفطرتيش مالا هيا تتغداي مع المسيو رافد " ابتسمت معاها و خرجت نمشي وراها .... هذيك الدار شحال كبيرة كانت فيلا بمعنى الكلمة وصلنا للمايدة كانت كبيرة فيها كلش غذا يغدي عايلة على طولها لمهم هو كان قاعد على راس الطابلة و مهبط راسو و ياكل مش لاتي بيا خلاص قعدت بجنبو مي بعيدة عليه بزوج كراسا بديت ناكل مي نفسي مغلوقة و هو مدارش 5 دقایق و ناض كي ناض مشافش فيا مامبا وش
بيه هذا الراجل ؟؟؟ لحظتو كان يمشي بشوية خلاااااص كالطفل الصغير لي بدا يتعلم المشي جرت فيه بقيت نتبع فيه حتان راح ....
بقينا على هذا الحال شي 3 ايام منحكي معاه ميحكي معايا
ميشوفش حت فيا و هذا الشي لي حيرني دايما نحسو يشوف في الفراغ في اللاشيئ كأنو مهموم و زید میخرجش
خلاص من الدار نسمعو سيعات يهدر في التليفون مع عمال نتاعو على الشركة مي ميروحش من هدرتو عرفت بلي هو
مدير شركة  و زيد عندو زوج اوتالات نتاعو (5نجوم و باباه تاني بشأنو لمهم عايلة راقية و إسمو رافد قاتلي خالتي نادية (الخدامة) عندو خواتاتو وحدة متزوجة في كندا و لوخرة مزالت مش متزوجة و خوه متزوج عندو زوج ولاد صغار برك هذا وش قاتلي عليه و أنا تاني مبغيتش نفهم عليه بسكو هو مش سامع بيا خلاص
ايا وحد النهار كنت قاعدة حتان كلمتني صحبتي و قاتلي على البروجي نتاعي باش ندفعو نقرا أرشي) تفكرت بلي رجعت نقرا و لازمني ملادي قيس شهرين و لا 3 اشهر باش يعاودولي لي زنتيرو مي كيفاش نديرها ؟؟ ايا تشجعت و روحت ليه باش نقلو رح نخرج ندير ملادي و نروح للجامعة من حظي إنو شمبرتو لاصقة في شمبرتي يعني حذايا
طبطبت الباب نسمع فيه يقول "أدخلي خالتي" بففف كان يخساب فيا خالتو مي معليهش دخلت مي مع دخلت حسيتو تخطف و عدل من قعدتو شمبرتو كانت كبيرة بزااف و تهبل كلش فيها كلاسيك و هو كان شاد ايباد نتاعو و يخدم قربت بشوية و معرفتش حت نحكي معاه قلتلو "معليهش نخرج نروح للطبيبة ؟" شغل دار شاف فيا مي كالعادة عينيه مش معايا هنا أول مرة نشوف فيه مليح سبحان الله يخلق ما يشاء عينيه زروقة زجاج هذا وش جذبني فيه و هذيك الخانة لي تحت عينو ليسرا زادت فيه النص شعر و جاي نوار و داير لحية نوار خفيفة متولهتش وش كان لابس مي بقيت غير نشوف فيه حتان فقت لعمري قلتلو "مممم ايه نروح ولالا؟"