زاواج الاجبار "بالهجة الجزائرية "🇩🇿

السماح

فطنت و انا مش في وعيي خلاص بقيت نشوف في السقف و نسترجع في وش صرالي مي مقدرتش كنت حاسة روحي مخدرة شفت في الشمبرة لقيت رافد قاعد بجنبي و يقرا في كتاب قلت فنفسي ياك" ميشوفش كيفاش راه يقرا ؟؟" و نسيت بلي كاين كتب و لغة للعميان تنهدت و رجعت رأسي للسقف فجأة حسيت بيدو فوق جبهتي كان يتحسس فيها من السخانة ولا مفهمتش قالي "الحمد الله عل سلامتك ... راكي صافا شوية ؟ " مقدرتش نجاوبو كنت حاسة بلساني ثقيل شغل حركت راسي نتاع راني سمعتك طاحو دموعي كي تفكرت وش صرا محمد راح صايي مات معادش يرجع راني مقتنعة بهذا الشي بصح مش مستوعبة كيفاش راح

صعيبة بزااااف يروح عليك لي تحبيه و حت لي كنتي تحبيه صعيبة بزااااف حت ولو ماكنتوش مع بعض بصح يبقى کاین مشاعر اتجاهه رغم كل شي يبقى هو الإنسان لي حبيتيه و رغم كل شي يبقى ولد عمي و خويا من دمي و لحمي انا ذركة صايي مبقاش عندي ذراع نتسند عليه واحد نشكيلو همومي واحد ينصحني يحبني يهتم بيا يخاف عليا

حت من روحو .. يمكن راكم تشوفو فيها مبالغة مي صدقوني ياك غير يموتلك قط يغيضكم وينكم يا إنسان عزیییز معادش تزيدو تشوفوه معادش تزيدو تسمعو صوتو

بكيت في صمت و تألمت بما فيه الكفاية انا ذركة صااي حسيت كلش حبس بيا مباقش علاش نعيش حتى الراجل لي متزوجة بيه ميشوفش و خوه طامع فيا حاول شحال من مرة يتحرش بيا حتان دار لي يبغيه كل ما نشوف روحي في

المرايا نشمئز من نفسي ...