زاواج الاجبار "بالهجة الجزائرية "🇩🇿

ضيف

فاتو أيامات و أنا غير راقدة كرهت كلش و خطرات يجي يشوفني في الليل خلاص في بالو ني رقدت بصح انا كنت نحس بيه كي يدخل و سيعات يمسلي جبهتي عل جال السخانة نسمعو يهدر مع خالتي نادية يقلها "تهلاي فيها و أعطيها تاكل و شوفيها وش تحتاج " كان يأثر فيا و سيعات نكره روحي لي راني مش مهتمة بيه عكسه تماما فاتو وحد 15 يوم انا بلا قرايا وبلا كلش مام لماكلة مش ناكل دارنا مكلموني ما سقساو عليا من نهار لي تزوجت وقفت روحت دوشت لقيت روحي لاصقة بالوسخ خخخ كملت لبست قشي نشفت شعري هزيتو لفوق و خرجت لقيت رافد في وسط الدار داير تلفزيون و يتفرج في ماتش

علابالي اعمى مي يسمع حرقلي قلبي دخلت للكوزينة لقيت خالتي نادية دايرة حالة بالطياب وش كاين خالتي ؟"
معلابالكش ليوم جايين دار شيخك من فرنسا ... انا تشوكيت آخر من يعلم قلتلها "علاش مقلتيليش"
قاتلي كنتي مريضة ليوم برك فطنتي " "كاشما نعاونك في حاجة ....أقعدي برك ا مدام متعبيش روحك " خالتي متزيديش تقوليلي مدام إسمي شهد و زيد نورمال إذا عاونتك..."
ميسيو رافد قال متخليهش تتعب ... معرفت نبكي ولا نضحك علاش انا وش راني ندير حتان نتعب ؟؟ و زيد تبالي عندي حق باش نطيب و ندير الشغل إلا إذا كان مش معتبرني زوجته ... قلت لكلمة الأخيرة كي شغل كاش واحد جا و فرغ عليا بيدون ما بارد ، بسكو لقيتو ورايا داخل للكوزينة يعني سمع كلش قالي "ارواحي نحتاجك .

يتبع.....