سٓقٓر (وادي هانوم)

part 4

سٓقٓر (وادي هانوم)
بقلم رباب الجبوري (ريري)

نوارسي لا تنسن التصويت والتعليق بين الفقرات 🔥
++ متابعه حسابي على الواتباد والانستا

rery__1999
........................
يا ليتها كانت الليلة الأخيرة التي سأغمض فيها عيناي، وينتهي كل هذا السواد والظلام الحالك اسفل عيناي، والمستقر للأبد في قلبي المثقوب ..!

««أرين»»
سمعت شباب تركض وتصيح رجع ابو الهيثم رجع ابو الهيثم اجه صكار الزلم..
كلهم طلعوا يركضون حتى أزهر واني من الخوف طحت ب الكاع احس رجليه ما تساعدني اوكف عليهن مدري رهبه مدري سوء تغذيه تمددت على التراب ولازمه خاصرتي

اني عندي رمل ب الكله ولازم ضروري طول الوقت اشرب مُي وبس اقصر تهيج عليه كمت اتمرغل ب التربان مرت فترة ورفعت راسي على صوت أقدام تتقرب اليه ورنه البسطال ترهب
شفته هو نفس الشخص الي خطفني ونفسه الي كال شرف نعمان صار عندي ونفسه الي كال ارجعج بأجر لهلج جنت اتمنى يجي بلكي صدك يوديني.
باوعلي بصدمه ضل مركز على وضعي الي يقهر العدو تقرب أكثر حط ايده جوة راسي

ابو الهيثم::-منوو سوة بيج هيج؟!!!!!
أرين::-الحقراء.
ابو الهيثم::-اعلمهم..
ساعدني اوكف لزم ايدي وايد الثانيه عبرها على متني وطلعني على كيف شفت مثل البستان وكلهم واكفين مثل استعداد مر عليهم بدون كلمه
صار هدوء كارثي مع انوُ هذا المكان ما يهدء مشينه بدون حرف انتبهت بنفس العمارة الي جنت بيها اكو جزء بنيان كامل حمامات ومطبخ وغرف الهم
ضليت صافنه وين رايحين جان مقابل البنايه مكان صغير يبعد شكم متر عنهم ضمن هل البستان العملاق أو ما يطلق عليه الوادي

فتح الباب دخلت شفت سرير ابو النفر وكنتور بابين والغرفه مفروشه ونظيفه حيل درت وجهي اكو طبله خشب صغيرة وكرسي وعلى الطبله حاسبات غرفه يمكن مساحتها (30M)بس خوش مستغها مسويها مثل البيت الصغير بحيث اكو مثل القاطع بين الغرفه وبين حمام ومطبخ كلش اصغار وخال غساله ب الحمام

ابو الهيثم::-اذا خلصتي استكشاف دخلي سبحي هذا الحمام...

أرين::-عمو وديني لهلي عليك الله مو كتلي أرجعج.

ابو الهيثم::-عمو!!!!!!
صيحي ابو الهيثم وعوفي كلمه عمو بعدين اول شي سبحي الا نحجي شايفه حالج وريحتج يكرم السامع تفطس الفاطس اذا تروحين لهلج هيج يتبرون منج..

أرين::-كله بسببكم هل الايام كله ما سبحت بعدين شلون أوثق بيك يمكن حااط كاميرا

ابو الهيثم::-هههه عايشه الدور روحي عيني روحي سبحي ما يحتاج احط كاميراأصلا.

شمر عليه لبس من ملابسه وطلع طبك الباب وقفله من ورة سمعته كام يرعد ويلعلع على جماعته أما اني ماعاندته مابيه حيل
بس شمرت ملابسه لو اموت ماالبسهن طبيت للحمام