سٓقٓر (وادي هانوم)

part8

سٓقٓر (وادي هانوم)
بقلم رباب الجبوري (ريري)

نوارسي لا تنسن التصويت والتعليق بين الفقرات 🔥🔥❤️
متابعه حسابي على الواتباد..rery__1999
والانستا... rery__1999

        ____¥¥¥¥¥¥¥¥¥¥¥¥¥¥¥¥____
لبَّيكَ قَلبي ضائعًا فَدلَّه
لبيكَ وَلا يَضيَع قلبٌ توجَّه إليك 🌟

««أرين »»
انظاري توجهت لحائط المقابيلي حسيت بي ظل أحد

كعدت على حيلي اتلفت واباوع منو ب الغرفه صرخت بكل صوتي وإني أشوف منظر مرعب مايروح من بالي.

شفت الحائط انفتح وبلمح البصر طلعت منه بزونه كبيرة حيل طارت طيور واستقرت برأسي

طفرت مثل الخبله اصيح بخبال وادك على رأسي حيل اريدها تطلع
دخل ابو الهيثم متفاجئ بصياحي.

-ولجججج طلـــعي يــمه راسـي اخخخخخخ.

::-أرين شبيج ولج فهمني شكو؟؟ شووو باوعيلي بس باوعيلي

-باوع باوع بزونه بزونه طبت برأسي والله والله حباب طلعها حباب

::-اسم الله ماكو شي.. هاج باوعيلي فتحت الضوء ماكو شي تحلمين جنتي اكيد

- لا لا والله كعدت كعدت وشفتها إيهاب والله دخلت برأسي جاي تحوص أحس بيها والله راسي راسي راح يموتني

أخذني غسل وجهي ويباوعي بنظرات ما تتفسر بيها لمحه خوف مددني على الفراش وفتح قرآن بلتلفون ويمسد على رأسي

-لا تروح لا تروح والله أخاف ابقى وحدي هسه يجون هسه

::-اشششش نامي نامي يمج لا تخافين هذا حلم

غمضت عيوني استسلم للنوم شلون اقنعه مو حلم هذا
مااعرف الي منتظرني أكثر من الي شفته بهواي
........

««نورسلين»»

واكفه أغسل الاماعين ناس تروح وناس تجي علمود عمو ابو فرحان لان مسوي حادث ورجله وايده مكسورات

تعبت حيل أركض منا ومنا عفت هيلين يم ماما بعدها ما تكدر تتحرك من عمليتها واذا ابقى يمها يبقن
يدردمن على يابو شنو كاعدات واحنه نخدم كلت هم ما ترهم كلتهن شغل هيلين وشغلي اني اشتغله
لان هيلين منتهيه ومستحيل تعدي هاي الفترة عليها

هند::-وين صااار الجاي

نور::-كتلج جاي أغسل اماعين سوي أنتِ

هند::-وشنو يعني ما تكدرين تحطين القوري على النار وتكملين غسل بطلي فهاوة مسويه روحج نازوكيه وماكو منج.

نور::-طلعي من خلقتي لا أطلع ضيم الوقت بيج واعلمج النزاكه على أصولها.

هند::-ذرة تربيه ماعندج بس هم صدك منو يربيج ابوج خليها سكته وامج كافرة.