سٓقٓر (وادي هانوم)

part 5

سٓقٓر (وادي هانوم)
بقلم رباب الجبوري (ريري)

نوارسي لا تنسن التصويت والتعليق بين الفقرات 🔥🔥❤️
متابعه حسابي على الواتباد..rery__1999
والانستا... rery__1999

        ____¥¥¥¥¥¥¥¥¥¥¥¥¥¥¥¥____

إِلهِي! إِنْ لَم تُبْتَدَئنِي الرَّحمَة مِنْك بِحُسْن التَّوفِيق، فَمَن السَّالِك بِي إلَيْك في وَاضِح الطَّرِيق.

««نورسيلين »»
وصلنا كدام بيت جبير من برة نزلنه من السيارة متوترين ومنتظرين اللقاء المنتظر بين اهلي قبضت أيدي حيل على البروش فرحانه لان اشتم نفس الهواء الي يشتمه الدكتور رحت يم هيلين الي حالها مگلوب

نورسيلين::-شبيج شو ضايجه؟ وأنتِ خابصتنه على شوفت العائله.

هيلين ::-هذا المجلوب ضوجني؟؟

نورسيلين::-منو ؟

هيلين ::-عمج

نورسيلين::-عيب هيج تكولين

هيلين ::-خل يولي انجلب فجأة عليه ويكول لا توثقين بيه لان اني مو كفو ومومثل البالج.

نورسيلين::-ليش هيج حجه!!.

هيلين ::-مافهمت المهم خلينه منه خل نشوف أهلي

انفتح الباب جانت الطارمه جبيرة صراحه مساحه البيت كلش جبير دونم تقريبا وتاركين ساحه مقابيل البيت جبيرة واكو ترك واكو محلات طالعه من البيت بس رغم هذا البناء عتيق حيل ومتهالك

كلهم واكفين ب استقبالنه عرفت اول واحد جدو لان جبير ب العمر بس قوي واله حضور وبيبي واكفه يمه
ظل جدو وبابا واحد صافن على الثاني والكل ساكت بس يباوع كسر الهدوء
سامر::-ها سالمين مطولين ب الصفنه ؟؟سلمو عمي الناس تعبانه تريد ترتاح

مد جدي ايده تقرب أبوي بتردد باسمها جراه جدي وشبكه

ابو نعمان::-صار وقت يطيح الزعل كافي اسنين راحت

نعمان::-مااعتقد بسهوله بس يكولون ما يجبرك على المر الا الآمر واني هذا حالي

ابو زياد::-هلا خويه عوف الزعل هسه شغله وماتت ب ارضها من سنين.

ابو فرحان::-اخوي واعرفه الحقد عامي مع انو احنه أهل ألحق دكتك بيه ما ناسيها يا نعمان

نعمان::-خووش معناها نفتح المواضيع القديمه مادام بعدك حاقد ابو فرحان

ابو نعمان::-دخلوا وعوفوا هل السوالف مو وقتهن هسه
تعالن جدي تعالن أسلم عليجن..

رحنه سلمنه بس مستحين نحسهم غربه مو أهل وهمه صدك غربه ماصار هواي من نعرفهم.
عرفنه عمو سامر على جدي وبيبتي وعمامي اثنين ونسوان عمامي واولادهم وين الا حفظنه اسمائهم
جان عمو ابو فرحان عنده ثلاثه فرحان وهند واسيل
وعمو ابو زياد عنده أربعه سحر وسمر وزياد وظاهر