سٓقٓر (وادي هانوم)

البارت الاخـير

(وادي هانوم)
بقلم رباب الجبوري (ريري)

نوارسي لا تنسن التصويت والتعليق بين الفقرات 🔥🔥❤️
متابعه حسابي على الواتباد..rery__1999
والانستا... rery__1999

____¥¥¥¥¥¥¥¥¥¥¥¥¥¥¥¥____
اللهم صل على محمد وآل محمد

««أريـن»»
‏
اضمك وين؟
من ياعين؟
هو المثلك شينضم؟
يلجنك بخور اهنود.
من سابع سلف ينشم.

إيـهاب::-تقبلين تكونين شريكة لعمري وارين لروحي وحبية لقلبي وصديقة لدربي وزوجة الية...

صفنت علية مااعرف شحجي ناسي وناسة محاوطينة الخجل الارتباك الصدمة والفرح كل هل المشاعر اجتمعن وصارن على هيئة دموع تنزل من عيوني..

حط الوردة على الشباج واجة يمي لزم وجهي بين اديه

إيـهاب::- أشش عيونج الحلوة مامسمحلها تبجي من إليوم

أريـن::- اجيت تخطبني ؟؟

ماهـر::- اكيد ما يخطب امج

إيـهاب::-جبت هاي الناس واجيت حتى بس ترد روحي الية من أسمع موافقتج..

باوعت لعمو والله استحي من هاي الناس كلها درت وجهي لأمي امسح بدموعي اريد الشكهه تروح

أريـن::-ماما ماما عادي اقبل ماراح تزعلين مني

هـينا::- افرحلج يا أمي مادام اجة يخطفج خطف قانوني ويخليج طول العمر كدام عيوني

إيـهاب::-وعد علية ام نور لاخليها اسعد أبنية ومااحرمج منها طول العمر..

أباوع لأخواتي ياشرن براسهن ايي

رجعت اباوعلة لزم أيدي حيل كل حواسة وتركيزة وياي

أريـن::-موافقة اكولنك روح وزوجة.

ما سمعنة غير الهلاهل من الزلم والنسوان حضني كدام الكل عيونه مدمعة وإني أمسح بعيوني مامصدكة والله أحس روحي بحلم ومااريد اكعد منه

النسوان طبن للصالة والزلم للدوانية بس تميم وماهر واكفين يركصون يمنة
إيـهاب::-باوعيلي اريني

أريـن::- هـا

إيـهاب::-راح احجي وي جدج وعمج وارجعلج خوش

أريـن::-امم

إيـهاب::-شبيج

أريـن::-ماادري

إيـهاب::-أموت على الصدفة الجمعتني بيج

أريـن::-لاتروح يمهم ابقى يمي

إيـهاب::-هههه عقلي وكعدي يم امج

أريـن::-راح اشتاقلك

إيـهاب::-شلون اطيح حظي روحي يعمري روحي كعدي يم امج

هزيت رأسي أبتسم وراح يمهم بس ماهر واكف يمي يهوس