(وادي هانوم)
بقلم رباب الجبوري (ريري)
نوارسي لا تنسن التصويت والتعليق بين الفقرات 🔥🔥❤️
متابعه حسابي على الواتباد..rery__1999
والانستا... rery__1999
____¥¥¥¥¥¥¥¥¥¥¥¥¥¥¥¥____
« هيلين »
ضليت صافنة على طلب تميم وعلى موافقة عمو باوعت لنورسيلين إلي أشرت لسـقر
سـقر::- احم ابن خالتي دومه مستعجل أكيد فاجئكم بطلبه على العموم اخذوا راحتكم وفكروا واهم شيء رأي الأبنية واذا تقبلون نشرف تصير جنتنة بت نعمان.
سكتت ارجف والفرحة بينت بوجهه أهلي وين يحصلون نسيم ابن برلماني وهم تنتهي سالفة سامر للأبد تميم طلع بقى بس سقر يحجي وي جدو
سـقر::- ابو نعمان أم نور وهيلين يروحن وياي
الجـد::- لا عمي مشكور هذا بيتهن وين يروحن
سـقر::- بعد الخلافات الصارت صعبه يبقن أهنا وكانوا ماكو شي صار لا تنسى هيلين ضربت وانضربت ولسة الحقد بگلوب الكل لهيج أفضل شي يجن وياي وخاف يضايقن ترة راح يكعدن ابيتي الخاص مو وي أهلي وماكو رجال يوصللهن والحرس على البيت يعني امان
الجـد::- ولشوكت هاي الأوضاع
سـقر::-على الاقل هاي الايام حتى تهدء الأوضاع وهم نشوف تالي خطبة تميم ولا تقلق أهل نور أهلي يعني مااسمح يصيرلهن شي او احد يتعرض الهن
الجـد::-هاي هية دكتور بعد احنة كلنة ثقة بيك
هيلين::- إني أريد ابقى يم عمو
سكتوا كلهم اني اباوعله أبتسم كال
سـامر::- دكتور إليوم خليها أهنا بأجر يروحن وياك
سـقر::-تمام لعد اني رايح اجهز البيت نورسيلين تجين
نـور::- لا بأجر اجي وياهم
سـقر::-اودعناكم
طلع هو والزلم طلعت ورا والنسوان وجوهن انكلبت شلون حالهن بخطوبة نورسيلين هسه ضعف من حجة تميم
تقربت يم عمو اهمس
هيلين::- ليش وافقت اني مااريد ازوج
سـامر::- لو اشوف بهل العيون اكو أمل واحد بالمئة مو هواي بس واحد انو راح تحبيني أو تتقبليني أسوي حرب علمودج انطيني أمل وخل أشوف رجال يتقرب الج أو يخطبج
رفعت رأسي امسح بدموعي مااكدر اشوفه غير عم مستحيل اعتبره غير شي لمجرد الفكرة تخليني اشمئز واريد أبعد
نزلت عيوني اباوعله عيونه مدمعه منتضر بس كلمة مني هزيت رأسي
هيلين::- اسفة عمو والله مااكدر
أنت تقرأ
سٓقٓر (وادي هانوم)
Mystery / Thrillerقصة مقتبسه من الواقع تكتب بنسيج وخيال الكاتب تروي تفاصيل غامضة تحدث في بلاد النهرين
