(وادي هانوم)
بقلم رباب الجبوري (ريري)
نوارسي لا تنسن التصويت والتعليق بين الفقرات 🔥🔥❤️
متابعه حسابي على الواتباد..rery__1999
والانستا... rery__1999
____¥¥¥¥¥¥¥¥¥¥¥¥¥¥¥¥____
جايك جَيّة الجنّاز بس تحضني اكَوم ابَچي .
««أريـن»»
درت وجهي حتى اطفي وبثواني نهزت الغرفه هز من انفجر الطباخ حطيت اديه كدام وجهي أحمي وقبل لا اصيح انعكد لساني من شفت النار الي لهبت بكل الغرفه
صحت بكل صووت
-يـاااااااااااااااا عـلـيييييييييي
كسرو الباب بثواني ماااعرف شنو صار من الخبصه ماانتبهت صياح الشباب وصريخي ونار ودخان ومي يطفون ب النار
ما حسيت الا اني كاعدة على صبه ارجف كلي لافه ملابسي عليه واكف يمي واحد ملثم انطاني بطل ماي
::-هاج شربي
- ويـن ابو الهيثم ؟؟
::- خابرنا هاي راح يوصل
اخذت البطل أريد افتحه مااكدر كل اطرافي مااسيطر عليهن
وجهي احس بي نار من الحرارة لو ما ملحكين لو محتركه لو واصله النار ومشوهتني ليش وبيا ذنب اعيش هل الرعب وشكم مرة اوصل للموت المحقق
مختنكه من الدخان اكح حيل أخذ البطل من أيدي فتحه إليه
اريد اشرب وشفت ابو الهيثم اجه السيارة بكد ما سريعه سوت عجه من الأتربة وراها نزل حتى قبل ما توكف وماسد الباب اجه طاير اليه
يريد يحضني دفعته بكل قوة باقيه عندي منهارة ارجف وابجي أضرب بيه ملخته تملخ يحاول يلزمني ويسيطر على اديه بس ماكو
- حقيرررر عمي موتنيييي ولا ابقى هيججج كل يوووم موته كتلك كتلك مامطمن كلبي كتلك خايفه لا تروح بس انت انت حقيرررر
::- والله ما ادري ماادري هيججج يصير بس اوكفي أهدي
- طبعااا ما تدررري اني اني الي اطيح بيها كل مرررة
لككك عمك والله عمك هيج سوة بس شنووو الفايدة شررراح تسوي قابل هو ابن عمك تحرش بيه وما تحركت غيرتك وطلعتني من الوادي مسوي روحك زوج وانت حرام تتحسب على الزلم ياااعااار
::- لججج كااافي لا تلوصين بلحجيي
ضربته حيل على صدره ودي اموته من الحركه
- انجب حقير لو محتركه بسببك عايفنيييي بنص الزلم وتولي الله ياخذك يا بربري يا مكروووه الله ينتقم منك لو ميته شحصللل هاااا بيمن ربحييي من عااايفني بنص عاااارات ورحت ماخفتتت عليه ما تحرك
ضميرك شويه ساعه ابن عمك مسويلي مكسورة ساعه عمك يحركني لككك وين غيرتكككك
أنت تقرأ
سٓقٓر (وادي هانوم)
غموض / إثارةقصة مقتبسه من الواقع تكتب بنسيج وخيال الكاتب تروي تفاصيل غامضة تحدث في بلاد النهرين
