سٓقٓر (وادي هانوم)

part34

(وادي هانوم)
بقلم رباب الجبوري (ريري)

نوارسي لا تنسن التصويت والتعليق بين الفقرات 🔥🔥❤️
متابعه حسابي على الواتباد..rery__1999
والانستا... rery__1999

____¥¥¥¥¥¥¥¥¥¥¥¥¥¥¥¥____

#اسفة عمري على التاخير الاضطراري
أمانة رجعن ولعن البارت

سيأتي لقاء الأهل ليلملم الجراح

««هيلين »»
سمعت صرخة نورسيلين طفرت أركض وجمدت بمكاني من شفت نورسيلين كاعدة بلكاع وحاضنة أرين

الموت بذاتة يوكف عاجز من يشوف هلمنظر بعد زمن طويل التقنية..

كلبي رجف ودموعي نزلت حتى رمش مااريد ارمش خاف جذب خاف حلم خاف خيال اريد أشبع شوف منها

جمدت بمكاني اباوعهن واسمع بواجيهن وعتبهن بس كلمة مااكدر أنطق

نـور::- اريني أرين هااااي أنتِ ولج والله مامصدكة اخخخ يا بوية رجعت عزيزتك شو باوعيلي خل أشوف عيونج الحلوة..

أرين حاضنتها بقوة وبس تشهك بلبواجي دقايق مرت والصدمة محتلتنة

كومتها نورسيلين من الكاع وضلت حاضنتها حيل رفعت رأسها لمحتني بجت بصوت ركضت حضنتها روحي خاوية شهكت من أعماق گلبي

هيلين::- وينج وينج ولج اخخ فراكج مر مرر ايامنا..

ابوسها وامسح بوجهه الصاير أحمر ما تحجي بس تشهك بلبواجي طبت للصالة للماما

الجانت كاعدة أدري بيها تسمع كلشي بس ما تكدر تكوم من الصدمة تحسها انشلت ركضت أرين لحضنها..

أريـن::- اخخخ يمةة حضنج امنية صرت أتمنى ؛؛

هـينا::- اوووف يريحة اعزازي عفتيني ولج ليش عفتيني گلبي تلوع لشوفتج ينضر عيني

أريـن::-بكد مااشتاقكم صرت أنام مو بوقت نومي بكلي طيفكم يمر على عيوني.. والله انام بس حتى احلم بشوفتكم

تبوس أمي بكل وجهه وتنزل لأيدها تبوسها وامي تمسح بوجه أرين وتشتمم بيها تضمها لصدرها ما مصدكة..

كعدت يمهن أمسح بدموعي مااريد الدمع يمنعني من شوفتهن
شكد حلو لقاء الاعزاز  تحس الفرح زايركم وانطرد الحزن من حياتكم وترتاح روحكم التعبانة...

‏قيل في لقاء الأهل ربيع القلب وضماد الحياة

أريـن::-مريضة يمة كليلي شو متغيرة..

هـينا::- محد غيرني غير فراكم ولكم لا طيب ولا علاج يفيدني لا والله..

أريـن::-اخخخخخخخ يمة راح أبوي وضلت شوفتة حسرة بكلبي..