سٓقٓر (وادي هانوم)

part23

(وادي هانوم)
بقلم رباب الجبوري (ريري)

نوارسي لا تنسن التصويت والتعليق بين الفقرات 🔥🔥❤️
متابعه حسابي على الواتباد..rery__1999
والانستا... rery__1999

____¥¥¥¥¥¥¥¥¥¥¥¥¥¥¥¥____

««نـورسلين»»

- يحدث شيءٌ ما ، في وقت ما ،
يُغيرك مرةً واحدة وإلى الأبد .

رفضت الشي الي جاي أسوي وكمت حتى اطلع بس سبقني من فتح الباب ودخل شافني كدامه فتح عيونه بصدمه أباوع لايده رجفت اكثر من گلبي تصلب كله وعيونه علية نظراتة حيرتني ماعرفت افسرها قبول لو رفض..

لدقائق وهو واكف بلباب اقسم بالله من اصعب واطول الدقائق الي مرت علية وأخيراً قرر يدخل وسد الباب ورا

نزل عيونه عني ونزع سترتة وشمرها بـ اهمال على السرير ودخل لحمام غرفتة كعدت على القنفة الي مجاورة السرير اعصر بيدي بتوتر دگات كلبي يحس بيها لبعده متر عني

ومثل العادة أعصر بأي شي يمي حتى يخف التوتر وهل المرة جان من نصيب الفرشة  تأخر حيل بلحمام ولمن طلع جان غير شكل مكلوب گلاب كله وكف يم الميز كتف ادية الي يرجفن والشرايين واضحات وعيونه ابد ما رفعهن حمحم وگال

سـقر::- هن جبرنج مو ،،اكو من ضغط عليج حتى اصعدين

ضليت صافنة حايرة شنو اجاوبة المفروض من وحده يعرف اذا مااريد اصعد محد يجبرني ليش هل الإحراج

تقرب الية وكل خطوة يضيق نفسي أكثر مر ايده من يمي أخذ سترتة حجة بدون مبالاة  اعصابه ترجف لدرجة تخيف المقابل وتحسسه مرتكب جريمة

سـقر::-اني طالع وانتِ ابقي أهنا باجر رجعي لغرفتج

باوعلي بنظرات الطفل يفهمهن نضرات اشمئزاز وقرف وهو ينقل نظراتة من اصبع رجلي إلى رأسي بعدها
دار وجهه وطلع كل هذا واني بمكاني جامدة أحياناً تجيك صدمة تخليك بدون ردة فعل هيج بس مسطور.

كمت وكفت كدام المراية مااكدر هلمرة أحمل أحد المسؤلية الغلط مني اني الغلطت بحق روحي

محد يحس بحساسي غير الي مجربة الرفض من زوجها من حبيها من تحس روحك انت الوحيد بهل الطرف تحب وبلمقابل تلكي الرفض من الحبيب.

شهكت مصدومة من استوعبت الموقف طحت على اركبي ما محتملة كلشي صار اخخخ ينار گلبي اسويت بروحي شلون أباوع بعيونه لو عيون اهله وشلون ارجع ثقتي بروحي بعد هل الإهانة

صميت حلكي اخفي صوت نحيبي جان بس ودي اصرخ بأعلى صوت حتى أطلع كلشي مكبود جواي فرفحت روحي

زحفت كورت روحي يم الغرفة الخاصة بلبسه وسمحت لدموعي تأخذ مجراها بدون مبالغة أحس هل اليوم مثل اليوم الي خسرت بي أبوي