(وادي هانوم)
بقلم رباب الجبوري (ريري)
نوارسي لا تنسن التصويت والتعليق بين الفقرات 🔥🔥❤️
متابعه حسابي على الواتباد..rery__1999
والانستا... rery__1999
____¥¥¥¥¥¥¥¥¥¥¥¥¥¥¥¥____
عِفتَك مو مُهم هذا الحَچي الزايد
أصلاً جِنت أحبَك وانتَ مَا رايد .
««نورسيلين »»
واكفه كـدام المرايه أباوع لشكلي وكلمه ملفته تردد صدائها برأسي
حطيت أيدي على كلبي خايفه هل المشاعر بيوم تستلم اله
- مستحيل نورسيلين ديري بالج بيوم اضعفين وتنسين كسرتج بيوم العرس هلمغرور ما يحقله شوكت ما يريد يتغزل وشوكت ما يريد يبتعد مشاعري مو لعبه لمزاجه
طلعت غسلت وجهي ورحت لغرفه الطعام مثل العادة مجتمعين على الريوك
- صباح الخير.
كلهم ردو الصباح رحت اكعد يم ام أيهم بس وكفني صوت جدهم من گـال::
::- اهنـا جدي مكانج يم رجلج
رفعت عيوني اله جان كاعد على رأس الطاولة مقابيل جده اشرلي على كرسي يمه رحت كعدت
بعدني استحي منهم وما اعرفهم كلت خل اختلط بيهم هم اتعرف وهم يروح الخجل
تريكنه بهدوء والزلم كل واحد راح لشغله
وهن يشيلن ب المواعين عفتهن ورحت يم غزل كاعدة ب الصاله
- غـزل احجلي عن عائلتج أحس روحي كلشي ماااعرف عنهم حتى اسمائهم نسيتها
::- خيه بعد احسن انت اهم شي تعرفين ماما كلش كافي عمتي ومنى وضحى ابتعدي عنهن
- ليش ؟؟
::- يكرهن أيـهم وأخاف يكرهنج على كرهه
- ها يعني اخوج وي الكل مأذي
::- هههه ابدد بس اني اكولج منى منفصله عن زوجها ومحمله أيهم المسؤليه وتتمنى ما يزوج ويستقر
- تدرين اگول جبيرة شعجب ما مزوجه بس استحيت اسألج
::- لا عيني مزوجه وعدها جهال اثنين الأبنية اسمها جواهر عمرها 13سنه والابن اسمه حازم على اسم عمي الله يرحمه. عمره 9
ـ لعد وينهم ؟ شو ما شفتهم
::- وي ابوهم مسافرين لان عطله من يرجعون من السفر يجون اهنا
- ودكتور سقر شعلي بطلاگها
::- ولج هو ما عليه هي عرامه ووكاحه شلعت كلب الرجال وخطيه كل مرة يجي لهلي ويشكي منها ويطردها تبقى فترة ويستحي من أهلي ويرجعها
وآخر شي مل هلك من مصايبها والله بهذلته حيل بس هو يستحي من جدو ومن أيهم متحمل لمن كاله أيهم عمي طلكها عليمن شالع كلبك علمودنه بتنا مو ادميه وصدك ثاني يوم طلكها ولسه منى وام منى محملاته مسؤلية
أنت تقرأ
سٓقٓر (وادي هانوم)
غموض / إثارةقصة مقتبسه من الواقع تكتب بنسيج وخيال الكاتب تروي تفاصيل غامضة تحدث في بلاد النهرين
