(وادي هانوم)
بقلم رباب الجبوري (ريري)
نوارسي لا تنسن التصويت والتعليق بين الفقرات 🔥🔥❤️
متابعه حسابي على الواتباد..rery__1999
والانستا... rery__1999
____¥¥¥¥¥¥¥¥¥¥¥¥¥¥¥¥____
كبرنه ومالگينه ابنَادم بگدنه
وحسدُونه اعله كلشي وكلشِي مَاعدنه
««نورسيلين»»
ويوم من الايام العصر أتصل تلفون جدي وانخبصو خبص من سمعنه يگـول
الجد::- أهلا وسهلاً بيكم منتظريكم بأجر
باوع للكل وكال ب ابتسامه
- باجر أيهم والناس يجون گالوا هي مشيه زلم وبنفس الوقت العقد جاي وياهم سيد
تفاجئت هذا اشجاي يسوي وبعدين توقعت يريد ينتقم ويرفض كدام الگل گلت اذا خلاني بهذا الموقف طول العمر مااسامحه
التزمت الصمت ماحجيت ولا كلمه بقيت اهز برجلي بتوتر الگل انخبص ناس تترادم بناس لان ما نلحك لباجر بيبتي خابرت عماتي
وهيلين راح تجي ونسوان عمي وبناتهم حايرات بلبس الي افتهمته يردن يعجبن النسوان علمود يخطبون بناتهم هماتين لان زناگيل ومايردن يضيعنهم
هينا::- مو گلتِي انحلت السالفه وبقت ورة سقر
نورسيلين::- مااعرف ماما مااعرف بشنو يفكر
العصر اجن عماتي وبناتهن يردن يفتحن أغاني ويحتفلن بس رفضت احترام لبابا
گاالت عمتي ام أحمد
ام احمد::- ماما نور حضرتي ملابس باجر تلبسهن
نورسيلين::- عندي نفنوف أسود البسه
أم أحمد::- لا ماما شنو نفنوف أسود ما يصلح وما يصير عيب من الناس هينا بأجر نروح الصبح نجهزها
نورسيلين::- عمه بس
ام احمد::- لا بس ولا شي انوب لابسته ب الخطوبه شيكولون الناس
هينا::- ام أحمد ليش ما اجت هيلين
ام احمد::- سامر گال باجر يجيبهن هي وفرح
نورسيلين::- عمه عليج الله صارت زينه
أم أحمد::- اي والله عمه حتى سامر گال هاي طاب رأسها وفجرت رأسي لاعبه بي لعب
لثاني يوم من الصبح سحلتنه عمتي للسوك وخطيه اشترت كومه أشياء إلي واخذتني للصالون تحت معارضتي بس اصرت وخلت أم الصالون ترتبني
نورسيلين::- عمه والله خسرناج هواي
أم أحمد::- والله عمه لو عندي مااقصر وياج بس هذني الفلوس مو مني من سامر گال شوفوا شنو تحتاج وها اهاا هذا خابر حاجي
أنت تقرأ
سٓقٓر (وادي هانوم)
Mystery / Thrillerقصة مقتبسه من الواقع تكتب بنسيج وخيال الكاتب تروي تفاصيل غامضة تحدث في بلاد النهرين
