سٓقٓر (وادي هانوم)

part44

(وادي هانوم)
بقلم رباب الجبوري (ريري)

نوارسي لا تنسن التصويت والتعليق بين الفقرات 🔥🔥❤️
متابعه حسابي على الواتباد..rery__1999
والانستا... rery__1999

____¥¥¥¥¥¥¥¥¥¥¥¥¥¥¥¥____
اللهم صل على محمد وآل محمد

««أريـن»»

سُوأد اليّل يبقىٰ
وتطفى الالوإن وآعَيد
بذكُرياتك والمشاهِـد .

سامر ظل صافن علية طاح الموبايل من أيدي طب يمي

سـامر::- شكو أرين ؟

أريـن::- عمو عمو أخذني اخذني لايهاب وأبو فرحان

سـامر::-صار شي

أريـن::-أعترف ابو فرحان اعترف بس بشنو مااعرف أريد أروح اريد أسمع بأذني اريد نار كلبي تهدى شويه..

كمت ارجف بعدني أحس بلوجع بس ياوجع يوصل وجع كلبي الزلم الملابس واطيح من أيدي بكد ما ترجف والدموع عجزت تجف بعيني طبت ماما مخترعة من شكلي..

عرفت الموضوع من سامر اجت تجهز بية وتقويني..

هـينا::- روحي واسمعي حقيقة ابوج باذنج روحي واكتلي كل شك بصدرج
و يدور ببالج ؛؛ روحي وريحي عقلج وافتخري ببرائت ابوج..

طلعت بسرعة نزل عمو وضعة مخربط أزيد من وضعي هم الله يساعده هذا ..

ساق السيارة وادية يرجفن
أريـن::-شنو نتيجة التحليل

سـامر::-مااعرف مااعرف عد سقر الورقة وحتى هو ما فاتحها اخ أرين دنيتي لعبت بية لعب..

هزيت رأسي ساكتة اني الدنيا لاطمة بية ساعة بوكسات وساعة جلاليق ودفرات مو بس لاعبة لعب..

أريـن::-عمو متخيل رايحة أسمع حقيقة أبوي

سـامر::- قصدج برائتة ابوج بريئ والله

أريـن::-معناها أشهد على زوجي الي تسبب بموت أبوي..

سكتت حسرة بكلبي من القهر الطريق كله اغلط على ابو أزهر وازهر ليش مااعرف بس اكيد يستاهلون..

وصلنة لمنطقة مهجورة وتخوف

أريـن::-أهنا مخليهم ؟

سـامر::-اي ورجلج أستخدم وياهم طرق يا ابو الطرق حتى بس يعترف ايام يستخدم التعذيب الجسدي ويخلي يصيح الويلات يراوي نجوم الظهر..

دار السيارة ينزل بطريق وعر وكمل

سـامر::-ومرات يستخدم التعذيب النفسي يكره بكل الدنيا ؛
وأحياناً يستخدم الترهيب اموتك وادفنك انت واخوك ومحد يعرف بيكم ومرات يستخدم الترغيب يكله اعترف ومااسويلك شي وأصير وياك مو ضدك بلمختصر لعب بي لعب ولو الشرطة لازمتة من أول أسبوع يياسون منه ويطلعوا برائة..