سٓقٓر (وادي هانوم)

part16

(وادي هانوم)
بقلم رباب الجبوري (ريري)

نوارسي لا تنسن التصويت والتعليق بين الفقرات 🔥🔥❤️
متابعه حسابي على الواتباد..rery__1999
والانستا... rery__1999

____¥¥¥¥¥¥¥¥¥¥¥¥¥¥¥¥____
من اقوال الامام علي عليه السلام
القانع غني وأن جاع وعرى

««أريـن»»

احس اجاني انهيار عصبي من شفت ماهر گبالي هو والله هو الطالب الجان وياي

بعد حتى حيل للصياح ماعندي مشيت على كيف وصلت يمهم وهمه جامدين بمكانهم باوعت لماهر بخذلان

أريـن::- ليــش بس اريـد اعـرف ليــش مو احنه زملاء شحصلت من دمرت زميلتك وشاركت بضياع حلمها

إيـهاب::- ماعليه هو اني السبب لا تلومي

أريـن::- هههه لو مو هو جان ماخطفتني

مـاهر ::- أريـن بـ

أريـن::- اششش لا تبررر ماكو شي يبرر عملتك هاي ؛؛ رايحه و راح اتركك لضميرك

دنك راسه نزلت دموعي مسحتهن وگـملت

أريـن::- كل حرف تقراء وكل محاضرة تدخلها وكل امتحان تنجح بي أذكر اكو طالبه جان هذا حلمها وانت بيدك دمرته ؛؛ لا يوفقك ربي ولا تنجح بدراسة أن شاءالله

عفتهم ورحت كعدت على الجذع مال النخلة روحي خوت والدنيا عتمت احس گلبي متروس حسرات

اجه ابو الهيثم يمي حاول يحجي وياي بس اني فاصله أباوع للحمام بلا هدف ومتمنييه لو يوم اصير بمكانهن واحصل على اجنحه وارفرف على بيوت احبابنه

لمن ظلمت الدنيا كمت اتمشى اشوف وينهم
شفت الكل مجتمع كاعدين على شكل دائرة وشاعلين نار بنصهم وأبو الهيثم واكف واضح يشرح الهم على خطه

تقربت أكثر اريد اعرف شنو بس ماجانوا يحجي طبيعي لكلشي مخلين مسميات غريبه او أرقام فقط همه يعرفون هاي الالغاز الي بيناتهم

ومن جان يريد يحجي شي يحجي بغير لغه مااعرف يا لغه يحجي دخت وانسطرت واني مافاهمه شي اجتماعهم طول أكثر من ثلاث ساعات وأبو الهمم هو الوحيد اليحجي ويخطط ويراويهم الخطه

فكرت هاي فرصتي وأهرب بس المشكله همه كاعدين يم المكان الي يطلع من الـوادي انخذال ماخذين كل احتياطاتهم

رفع رأسه ولمحني دنك وكمل كلام واني مكتفه أباوع لمن خلصوا وكل واحد أنصرف لمكانه واني رجعت يم الخيمه وكاعدة على الجذع اجه يحجي

::- هـاا بشري شعرفتي من معلومات
سكتت عنه ضجت منه حيل من عرفت هو اخو ماهر وشلون ضحكوا عليه

من ما شاف مني ردة فعل راح للشباب الي بلشوا يشون على الفحم جاب صحن مشويات حسن مسوي واجه خلا يمي