سٓقٓر (وادي هانوم)

part11

(وادي هانوم)
بقلم رباب الجبوري (ريري)

نوارسي لا تنسن التصويت والتعليق بين الفقرات 🔥🔥❤️
متابعه حسابي على الواتباد..rery__1999
والانستا... rery__1999

        ____¥¥¥¥¥¥¥¥¥¥¥¥¥¥¥¥____

عندما يمدح الناس شخصاً، قليلون يصدقون ذلك وعندما يذمونه فالغالبية يصدقون
««نورسيلين »»
نطقت المرة كلام خلتني أباوع لأمي المبتسمه وتباوعلي

المرة::- الله يحفظهن الجن بس اني جايه خصوصاً على نورسيلين شفناها وعجبتنه اني وابني أيهم

عم الهدوء لحظات لستيعاب الكارثة مو مجرد صدمه
ورة ماكملت صدمهن جاوبت بيبتي

الجدة::- ليش وين شايفين ابنيتنه ؟؟

أم أيهم ::- شفتتها ب المستشفى وي أمها داخله وعجبتني حيل وعرفناها بتكم وهل اجينه نخطب ؛؛ لعد عروستنه وين ؟؟

اجت ماما لزمتني من ايـدي وهي تحجي
::- كومي طلعلي المرة تسأل عنج عيب خل نسلم عليها

- مـامـا صدك تحجين ؟؟ لو اموت مااطلع اني زواج ماازوج وإنوب ناس مااعرفهم وبابا ستوة متوفي

::- كومي يا أمي كومي لا اشعلين كلبي اي قابل راح اجبرج بس نطلع ونشوف الوضع اذا كلشي تمام كان بيها واذا لا هاي هيه..

- مـامـا  لا تشاقين أكيد
مااطلع استحي وهم لا هذني حسبالهن احنه خربنه الخطبه

::- هو شنو احنه خرناها اي غير علمودج جايات خل نشوف وين شافنج

جانت ماما قافله وهيلين بس تباوع تعرف بيه مااريد ازوج رحت لبست بشت وشال باوعت لوجهي بيه آثار خفيفه بس تعمدت ما اخفيهن

طلعنه اني وماما والعيون توجهت النه يردن ينتقم  ريحه شعواط كلبهن وصلنه

::- السلام عليك

:- وعليك السلام اهلا ام نور

رفعت عيوني باوعت الها جانت مرة كبيرة بلسن واضح المرض متعبها حلوة حيل ويمها ابنيه اكبر مني هيج ب الثلاثين عمرها
وياهن وحدة هم كبيرة

اشو ام العريس تحجي وتضحك وي ماما كانوا تعرفها بسرعه تذكرتها نفسها الي شفتها بغرفه ماما بيوم العمليات

:- ها يمه نورة تذكرتيني ؟!.

- اي خـالـه شفتج ب المستشفى

:- عفيه عليج ومن شفتج لسه دخلتي كلبي ودعيت تصيرن قسمه وليدي

::- أوي والله محظوظ أخوي اذا هذا الجمال يصير من نصيبه

الجدة::- هسه أم أيهم هاي الأبنية كدامج هي الي ترديها