سٓقٓر (وادي هانوم)

part10

سٓقٓر (وادي هانوم)
بقلم رباب الجبوري (ريري)

نوارسي لا تنسن التصويت والتعليق بين الفقرات 🔥🔥❤️
متابعه حسابي على الواتباد..rery__1999
والانستا... rery__1999

        ____¥¥¥¥¥¥¥¥¥¥¥¥¥¥¥¥____
إن السجن ليس فقط الجدران الأربع وليس الجلاد أو التعذيب، إنه بالدرجة الأولى خوف الإنسان ورعبه، حتى قبل أن يدخل السجن، وهذا بالضبط ما يريده الجلادون وما يجعل الإنسان سجيناً دائماً.

««أرين »»
عيوني راحن لجربايته تفاجئت وتبسمرت بمكاني من المنظر الشفته راح كل حيلي وفقدت كل حواسي ردت بس اصيح مااكدر واني اشوف

طفل صغير قريب جربايته لابس أبيض ابيض يشلبه ويحاول يصعد على الجربايه
دار وجهه الي؛؛ جحضت عيوني من شفته وجهه وجهه شايب مرعب يخووف الا درجه فاتح عيونه على وسعهن بعيوني
عيونه إكبار لدرجه شفت بيهن الرجال الي كتله ابو الهيثم

ردت اصيح بس لساني معگود الخوف سرى بكل جسمي  اجة يطفر مثل الحيوانات وركض للحمام دخل بيه
كل ايه حافظتها وكل إسم المفروض الهج بي راحن من بالي
حاولت احرر اطرافي أو لساني لعل أنقذ روحي بس الخوف جان المنتصر لدرجه اغمى عليه  غادرت عالم مرعب ورحلت لعالم السواد

بعد فترة مااعرف شكد فتحت عيوني بلگـوة المح الامامي وين الا استوعبت بعدني بهل الغرفه ؛؛بس الفرق على الجربايه جان أبو الهيثم وشخص عرفت فيما بعد دكتور يحجون عن حالتي

مااشوفهم بوضوح ولا اسمع عدل بس انتبهت للكانونه الي مشكله بيدي والأيدي الثانية مغذي

غمضت عيني هلكانه تعب كانوا جنت أركض مسافات طويله كل جسمي متخدر حسبالك مشلوله وألم فضيع برأسي هوسه اصوات مرعبه ومواء بزازين

‏على عيونيَ التعب كاعدَ
غـراب ويـنهش بـچـثه
صيـاح وناس چاي تموت
احسَ براسي مستشفى...

افتح وأغمض افصل لا إراديا وأرجع لواقعي مااعرف تخيل أو صدگ سمعت الدكتور گــال:
متعرضه لخوف شديد لدرجه هبوط حاد ب السكر

::- أرين أرين فتحي عيونج باوعيلي شبيج احجيلي شموصلج لهل الحالة

كعدت على همساته فتحت عيوني ببطئ وأخيراً تحرر لساني ونطقت
- راح اتخبل ماجاي يعوفوني إيهاب احلفك ب اعزاز كلبك رجعني لهلي أريد أموت يمهم...

احجي بصوت مرتعش الي شفته مايروح من بالي سامعه بواحد يموت من الخوف بس اول مرة أتأكد فعلاً الخوف يوصل الإنسان للموت

حايرة اذا جنت انام أو يغمى عليه بس الي اعرفه أفصل ماااعرف وين أروح وأرجع أحس بيهم

كل ماافتح عيني اشوف ابو الهيثم يمي كاعد على الجربايه ويهتم بيه سمعته مرة يحجي هو وعمه وحديثه طبع أبالي
::- شلون يعني تعوف شغلك وتبقى مگابلها