سٓقٓر (وادي هانوم)

part26

(وادي هانوم)
بقلم رباب الجبوري (ريري)

نوارسي لا تنسن التصويت والتعليق بين الفقرات 🔥🔥❤️
متابعه حسابي على الواتباد..rery__1999
والانستا... rery__1999

____¥¥¥¥¥¥¥¥¥¥¥¥¥¥¥¥____

#ملاحظة
ما انطاني گلبي اعوفجن بعد هلرسائل الاجتني
مثل ما وعدتجن راح استمر بلتنزيل ومثل ما وعدتني راوني التفاعل مالتجن متفقين؟؟

‏إهجر قصُور الذلّ لو هي من ذهب
‏وإسكن بيوت العز . . لو هيّ خرَابه ..

««نـورسيلين»»

تميم::- همزين اجيت أيهم جنت خجلان شلون احاجيها المهم خوية اني أريد أخطب هيلين..

فتحت عيوني بصدمة وسقر تفاجئ بعدين أبتسم وسحب كرسي وكعد حاط رجل على رجل ويباوع ببرود رجعت نضراتي لتميم

نـور::- شتكول خـوية؟؟

تميم::-  لا يروح بالج لبعيد ترة ماعندي شي وياها بس علمود اخلصها من المشكلة وهل العرقلة وي اهلج

نـور::-ولا يستقرون حلالين المشاكل

باوع لسقر وهذاك ابتسم كملت
نـور::-شنو انتم ما سامعين بلزواج الطبيعي لازم تحطون دراما واكشن حتى تزوجون وتصير قصة وكذا

تميم::-شبيج خوية گلت شي غلـط؟؟

نـور::-طبعاً لان احنة من نريد نزوج نختار رجال مو حلال مشاكل لان مشاكلنة نكدر نحلها احنه  وشكرا لحسن نيتك.

عفتهم وطلعت مااعرف ليش تنرفزت وكفت ورة الباب اتسمع لان متأكدة راح يحجون بلموضوع ولازم اعرف

تميم::-مرتك وكحة..!!

سـقر::- لعد شتكول على التريد تخطبها.

تميم::-لا عمي هذيج ما ينسمع حسها

سـقر::-هههههه اسألني إني

تميم::-هسة شنو الوضع ماافتهمت

سـقر::-ليـش تريد تخطبها.

تميم::-ماادري احس عجبتني وهم نعرفهم وحتى الوالدة كلش عاجبتها وهم انقهرت على موقفها

سـقر::-اكلاواتك مو علية كول عجبتك

تميم::-الصراحة اي

سـقر::-تميم هواي فرق عمر بينكم ترة هيلين طفلة

تميم::-شوف منو يحجي على أساس ماكو فرق عمر بينكم حتى انت اهواي أكبر من زوجتك

سـقر::- صح .. بس اول شي اني ونورسيلين زواجنة مو عن حب فرض انفرض علينة ثاني شي نورسيلين أكبر من اختها ثلاث سنوات أو أكثر وهذا يفرق؛؛ ترة فرق جبير بينك وبين الأبنية