سٓقٓر (وادي هانوم)

part37

(وادي هانوم)
بقلم رباب الجبوري (ريري)

نوارسي لا تنسن التصويت والتعليق بين الفقرات 🔥🔥❤️
متابعه حسابي على الواتباد..rery__1999
والانستا... rery__1999

____¥¥¥¥¥¥¥¥¥¥¥¥¥¥¥¥____

اللهم صل على محمد وآل محمد..

عن حال  أبو الهيثم:
طير انه وانت جنح واتخيل بدونك
وسألوني ياهو الأعز روحك ابوكت الحرب
لو ماي وكت العطش كلتلهم عيونك

««أريـن»»
سمعت همستة

.... اشششش

وغبت عن الوعي فصلت عن العالم مااعرف بيد منو طحت هلمرة ضحية مااعرف مرت دقايق لو ساعات لو أيام بس رجع الوعي الية فتحتت عيوني رأسي موتني

وثكل على جفوني  اركز بغرفة ضلمة وإني نايمة على فراش مريح غميت كصتي عرفت روحي هم انخطفت أدري ماعدهم غيري ..

بسرعة مديت أيدي لمكان السلاح اطمنت من لكيتة بمكانة هو يمكن اصغر سلاح بالعالم بحيث بسهولة ينضم وخفيف باللزم

كمت بصعوبة اريد اكتشف الغرفه الظلمة وبسرعة تجربحت وطحت طلعت نايمة على جرياية وماادري..

شهل الخاطف الكيوت مسحت أدية الاذني من الطيحة وكمت بتجاه الشباج سحبت البردة دخل الضوة للغرفة..

درت استكشف بيها وأعرف منو ورة خطفي معقولة ابو الهيثم لو عمي لو واحد من هذيج المنطقة القذرة ولو متاكدة ابو الهيثم هو ورة هالشي ..

تفاجئت من شفت بنية عليها آثار الضرب مشمرة بنهاية الغرفة

ركضت الها أحاول اكعد بيها ماكو فاقدة بس تهمس أبني أبني ..

حطيت أيدي على كلبي خايفة شجاي يصير هنا اباوعلها لابسة دشداشة مال بيت ونايمة بأهمال شعرها اطول منها

وجمالها يصفن كعدت أباوع لملامحها والله حلوة دخيل الله بنات العراق وين ضامات هل الجمال

انتبهت لاديها شنو بياض شنو اظافر شنو أصابع شنو شعر كلت الله يساعد الولد احنه البنات وما نتحمل جمالنة الطاغي..

ضربت خدي هسة وقت هلامور هسة خل نشوف وضعنة وشنو منتظرنة كعدتها بلكوة تكسر الخاطر مدري منو مجرم بهل الجمال وهيج ضاربها كعدت لازمة رأسها تون من الألم ..

أريـن::- باوعيلي تسمعيني هذا ابو الهيثم سوة بيج هيج مووو ؟؟

.... خل يرجعون أبني والله صغير يريد يرضع خطية مالة شغل .

أريـن::-بس صحصحي وياي وين ابنج منو اخذة ؟

... همه اخذوا احنه شعلينة ليش هيج يسون بينة والله اني وابني مانعرفهم ومامسوين شي ..