سٓقٓر (وادي هانوم)

part39

(وادي هانوم)
بقلم رباب الجبوري (ريري)

نوارسي لا تنسن التصويت والتعليق بين الفقرات 🔥🔥❤️
متابعه حسابي على الواتباد..rery__1999
والانستا... rery__1999

____¥¥¥¥¥¥¥¥¥¥¥¥¥¥¥¥____
اللهم صل على محمد وآل محمد

««هيلين»»
من شفتك وحڪك تيهت دربي ماكلك متت بس نخمش ڪلبي .

عيونيَ تباوعلة ما مصدكة هذا حقيقي الواكف كدامي حرت افرح بشوفتة متعافي لو احزن على شوفتة الية بهل إليوم..

لساني عجز عن النطق واستلمت المهمه عيونيَ العبرت عن كلشي بلدموع  ما كدرت أسيطر على رجفة جسمي كعدت على الكرويتة ابجي وارجف وما اردد غير بكلمة عمو..

تقدم يمي ماكدرت احط عيني بعينة بس أسمع همسه

سـامر::- اشتعل عمج گون عليمن هلبواجي اشششش..

رفعت رأسي اشهكك واباوعلة
سـامر::- أشش شهكاتج تموتني لو أدري هيج تبجين مااجيت هلال شو أهدي

هيلين::- أنت أنت زين ؟

سـامر::-اممم..لدرجة كمت أمشي متخيلة

كعد قريب يمي ساكت وإني گلبي يدك بشكل مو طبيعي خفت تزورني نوبة صرع ضليت صافنة علية أتنفس باضطراب..

سـامر::-أخذي نفس  شبيج ولج شو صحصحي..

هيلين::-تفاجئت بشوفتك والله ما تخيلت أرجع اشوفك تمشي .

سـامر::- فرحتي لو لا؟؟

هيلين::-اممم كلش فرحانة رجعت وهم رجعت تمشي ماجاي تصدك عيونيَ ألف ألف الحمد الله..

سـامر::-هههه من شفتج كلت هاي عمرها ما تنزل الها دمعة طلعتي ام دميعة..

مسحت دموعي ما اعرف شلون صار حالي روحي تلوب وگلبي مقبوض ومشاعري تايهه.. وعيوني حايرة وضعي كله مخربط رفع الماسكة كدام وجهي

سـامر::-يسموها ماسكة وتنهدى للعروس موو !

هيلين::-امم بس العروس بلعرس تلزمها مو بلعقد..

سـامر::-مم فاتتني هاي لعد جبتها هدية الج شلون؟

هيلين::-عادي الزمها..

أخذت منه وهو جر حسرة مدنك
هيلين::-شوكت اجيت من إيران ؟

سـامر::-قبل ساعتين

هيلين::-شلون عرفت اني أهنا..؟

سـامر::- جنه نتخابر اني وتميم..

رفعت عيوني إله بلع ريكه ودار وجهه عني يبعد نضراتة

سـامر::-هو قبل شكم يوم أتصل كال زودتها وأريد أخطب شوكت ترجع كتلة على تاريخ اليوم وهو حلف يسوي العقد بيوم الي اجي لان حسب كلامه شلعنة گلبه..