وحتى الما اعرفة يكلي تعبان ؟!
نغمة الفراق
• • •
جا هيه الاهل عثرة
الاهل عالكلب راحة بال
صاروا عالكلب حسرة
من شافونه مكسورين
ما جبروا كسرنا ولا حجوا كلمه
ملح فوك الجرح وكعوا
واجو فوك الكسر كسرة
الما مرتاح يم اهله
ما يرتاح كل عمره
• • •
ضي
ثاني يوم على الموعد بدلنا وطلعنا وبعد شارع عن الموعد نزلت اني وروح دزيت روح وهيه تبجي
راحت لبنية حجت وياها
روح : عزيزتي عادي تحجين وياي
البنيه : ليش شنو احجي وياج
روح : ماكو شي بس سوي روحج تحجين وياي
البنيه : هااا اي اوك
روح : تمام شكرا حبيبتي
وبعدها راحت لجهة زيد
روح ببكي : مرحبا
زيد : مراحب
روح : بليز ممكن استخدم جهازك اريد اتصل على اختي ضعت من عدها
زيد : اي حبيبتي هاج هذا ياه
روح : فتحت المبايل ورحت مسافه عنه
دزيت انا الرابط الي يهكر جهازه
روح : فتحت الرابط جان يستغرق نص ساعه ويحترك كل الجهاز
بعدها خابرت عليه
وحجيت وياها شويه واجتي ضي اخذتني
ضلينا واكفين مسافه
مر الوقت وجهازه احترك
مبين عصب حيل شاله وركعه بالكاع
خابرت الشرطه اجوي
ضي : حضرت الضابط هذا الشخص
اخذ صور من بنت عمي وكعد يهددها بيهن مقابل اشياء لا اخلاقيه جدا
وهذا الدليل وتكدرون ترجعون لوزارة الاتصالات وتشوفون اتصالاته
اني هكرت جهازه وخليت بيه فايروس حتى ينحذف كلشي
استاذ بس خاف حافظ الصور بغير مكان
اتمنى تسألوه بالتحقيق
الضابط : انتي هكرتيه
ضي : احم اي
الضابط : والله بطله سويتي الي عليج الباقي شغلنا
ضي : شكرا جزيلا الكم
الضابط : واجبنا
الحمد لله
خلصت مشكله ريم
ومشكلة ناي ولحن
صحتي كانت كل يوم تزداد سوء
لا نوم وحتى الاكل كلش قليل
العلاج مو كلش ملتزمه بيه
والوجع صار يجي بكل وقت
على شكل نوبات
مر شهر على وجودنا ويه بيت جدي
جانوا كلهم يعاملونه بطيب
ومحد تجاوز علينا
بس اكو كم شخص نظرة الغضب
والحقد بعيونه من يباوعلنا
بس متغاضين عن الوضع
صارن ليان وليال يتنقلن بيناتنا
وبين خوالهن
وبكل مره يكولن نريد ماما لو بابا
احس سجاجين تنبت بصدري
ريم
حلت ضي المشكله الي جنت واكعه بيها
ضي عدها عطاء مو طبيعي
كل شخص محتاج تلكي ضي اول شخص
يساعده واول شخص يقدمله الحلول المثاليه
مر شهر وهم بيناتنا
جانو مثل النسمات
ابد ما سمعت مشكله جايه من عدهم
روح شخصيتها جدا مرحه تطلع العاب من جوه الكاع
تخلي البيت كله يتونس ويضحك
ضي الشخصيه العقلاني المحبوبه
اغلب وقتها تكضي بقراءة الكتب لو رسم لو كتابه
ومن تجي تكعد ويانا
تفتح عقولنا بمعلوماتها وقصصها الحلوه
النور والنيزك عدهم كمية طاقه مو طبيعيه
يحبون يتعلمون كل شي جديد
