سنخبر الطرقات يوما أنا قد عبرنا
برغم تيه الخطى والبعد والتعب
نغمة الفراق
• • •
ما طبكن سره طبكن علي كلهن
وكلني وبعد ما اكدر اكتلهن
واذا شدن اجدامي وشدني الجفين
وكعدن ع الصدر جا بعد شيحلهن
• • •
نغم
انا نغم عشت حياتي بعائلة هادئة
مثل أي بنت عندي ام وأب
لكن ان تكون امك تكرهك هذي
ما صايره
من اول حياتي جانت امي كارهه وجودي
انسانه ممتلئه بالكره ما تحب احد
اكثر همها شكلها وطلعاتها
حتى اخواني جانت ما تهتملهم
بابا جان جدا يحبنا
بس جان اغلب الوقت مشغول
جان ألاقرب الي ليث ومحمد
الي همه ربوني وعلموني
انك تعيش يتيم وأهلك عايشين هذا الشي
جدا مؤلم
انقتل عمي أحمد وابناءة
رغم ما شايفتهم ابد بس جدا تأثرت
طبيعتي جدا حساسه واتأثر بأقل شي
جانت ضي صامده جدا حبيت شخصيتها
وقوتها بس ما جانت تحجي هواي وأكثر الوقت
منعزله
روح
نزلنا نشتري اشترى هواي
روح : ليش المن كل هذا مشتريه ؟
ليث : ليش منسوي كعده نتعرف عليكم وتتعرفون علينا هيج احسن شرأيج؟
روح : كلش حلو بس ما اتوقع ضي تحضر
ليث : ليش ؟
روح : لان طبيعة ضي ما تختلط
كملنا مشترى واخذني على سوبر ماركت
ليث : روح خلي نشتري حلويات وهاي السوالف
روح : يا عيني غير يضر بالصحه
ليث : اذا ما تريدين تاكلين لا تاكلين
روح : ليش ما اكل اصلا اني احب الضرر
بعدين اخذني لمحل البسه رجاليه
روح : شنو نسوي هنا ؟
ليث : اريد اشتري ملابس ليش ميصير ؟
روح : لا طبعا يصير
ليث : شنو رأيج انو انتي تختاريلي ملابس وبعدين اني اختارلج ؟
روح : اللله الوناسه
اجيت للشخص الصح
هسه تشزف ذوقي الراقي
ليث : هههه مو كانو مغروره شويه
روح : استاهل ااغتر
ليث : يله بابا خلي نمشي
اشتريت اله قميص بيجي وبنطرون اسود ويلك اسود
لبسهن طلع كلش حلوو
روح : اويلي يابه طلعت تجننن
ليث : اصلا اني اجنن هالمعلومه مو جديده
روح : تعال تعال هذني يلوكلك هماات
اخذتله قمصان زيتوني واسود وابيض ورصاصي
وبناطير اسود ورصاصي ونيلي وستر وربطات واحذيه
اشترينا كومه شغلات
ليث : هسه دوري اني اختارلج
روح : اوك نشوف ذوقك
اختارلي تنورة سودة وسترة سودة وقميص ابيض وقمصان قرمزي و ووردي واسود ورصاصي و زيتوني يعكس ويه لون عيوني واختارلي بناطير ابيض واسود ورصاصي وزيتوني واشترالي ملابس للمدرسه
سدريتين وقمصان واحذية ووو..
روح : شدعوه هلكد مشتري
ليث : بنت عمي واشتريلها ميخصج
بعدها اشتره بعد ملابس
روح : ليثو ذني المن ؟
ليث : الظاهر فضوليه ؟
روح : شوي مو هواي
ليث : شوي ؟
المهم ذني لأختي نغم
روح : عندك اخت ؟ ليش ما اعرفها
ليث : بكل بساطه لان توج اجيتي
روح : لعد اني همات راح اشتري لاخواني مو بس انت
اشتريت لضي والنور والنيزك ورحنا لمحل اطفال اشتريت لليان وليال بعد كم يوم نروحلهن ونشوفهن
ورجعنا للبيت
كعدنا وتعشينا كعائلة كبيرة
جانت أجواء الضحك والوناسه كلش حلو
نستنا الي صار
بعد العشاء كلها طلعت الساعه ب 11 بليل اجتمعنا بالكلدور كلنا
