باجر تموت المحطه ويتخذ غيرك قطار
وانت تبقى بلايه موعد تكضي عمرك انتظار
نغمة الفراق
• • •
بسدية انشلت من حرب
وماخذني جان النزف
وموت وصريخ وكتل
والدنيا تتعارك
من السدية رأسا كمت
باوعت لايدي وطبت
وما همني جان النزف
جي سالم سوارك
• • •
ناي
فتحت الباب شفت كدامي نفس الولد الي تعاركنه
الظهر
ناي : انت شكو لاحكني لبيتي شنو شتريد من عندي
محمد : منو لاحكج منو ميت عليج اصلا
ناي : مليق
محمد : انتي ليش لسانج طويل وبس تتجاوزين
ناي: انت ليش مستفز وتلحكني
محمد : مو احبج وكلت الحقج البيتج
ناي : حقير قذر ولي منا لا اخابر البوليس
محمد : شو بالله خابريهم
ناي : عااااا انت شكد مستفززز
شعندك جاي
ضي : هااا هااا هاي شكو صياحكم ترس السكن
ناي : ضيي هاي انتي
ضي : اي اني
ها ولج ليش تجاوزين على ابن عمي
تره ما اسمحلج هااا
ناي : عااا هذا ابن عمج
ضي :ههه اي المليق والمستفز والحقير يصير ابن عمي
محمد : ولج ضي شو جاي تعيدينهن عليه
ضي : هههه حمود الورد ضد الحرارة والبرد
مو قصدنا يولي احسبها علينا
محمد : هههه
ناي بكلبي اوييي شكد حلووو
وشكد الموقف خايس
بس هوه حيل مستفزز
ضي : ولج ناي ماكو تفضلوا ؟
ناي : هاا بس ثواني
ركضت جووه ركض لميت كل الكتب والدفاتر الي تارسات الأراضي والملابس المذبوبه بكل مكان
ورشيت على السريع عطر بالبيت
وطلعت الهم
ناي : مرحبا انا ناي ال.....
محمد : وانا محمد آل......
تصافحو وضحكو
تعرفت على الباقين الي وياه جان اخوه ليث
وابن عمهم لؤي
دخلوا جوه جبتلهم مي وفواكه وكعدنا جانو جايبين وياهم حلويات ومكسرات
كعدنا ناكل والولد راحو يجيبون عشا عدا لؤي بقى يمنا
روح : اكلج جا وين لحن
ناي : لحنننن ولج لحننن
طلعت لحن من الغرفه تركض
جانت لابسه كيمونه وشورت
باوعت بالغرفه ونصدمت ركضت كبل لغرفتها
اباوع لؤي فاتح عيونه على وسعهن
بدلت بسرعه وعدلت شعرها وطلعت يمنا سلمت على لؤي والبنات وكعدت يمنا بعدها اجو الولد
كعدنا نتعشى ثاني يوم طلعنا نتمشى ونعيد ذكرياتنا
ونتسوق بقو يمنا شهر جدا تونسنا وياهم وانا ومحمد على طول مشاكل وبعد الشهر سافروا الالمانيا لان ضي عندها عمليه وما رادت تسويها قبل لا تشوفنا
وسافرنا احنا وياها ..
ضي
دخلت وجان انصدم من اصدقاء محمد
الجانو مصدومين وبعد الصدمه سكرو من الضحك
فهد : هههههه
محمد : ههههه اخ بطني
غيث : ههههههههه
ضي : تره ما مستاهله كل هالضحك
غيث : يا ما مستاهله عمي من نقتحم بيت مو هيج
وين اكو بنيه هيج تدفر الباب
محمد : وازيدك من الشعر بيت
هستوها طالعه من المستشفى
ضي : تره عادي كلش
الحوادث تقع اصلا الغلط عليكم انتم
كاعدين هنا كولو ناس تريد تاخذ راحتها
غيث : تاخذين راحتج ؟ قصدج تدفرين البيبان
لو المفاجئه الي تدخلك بغيبوبه من الصدمه
ضي : غليظ سيء مليق
غيث : غليظ لو رفيع هههههه
محمد : سيء لو اشياء ههههه
عفتهم وكعدت
غيث : يولي شعندج كاعده يم الزلم
ضي : واثق من نفسك جدا ؟
غيث : ولج شنو قصدج
محمد : ضيي تره عيب هالشي غلط
بعدين دخلت لغرفتي حيل أنبني ضميري
لان كلت هيج وحسيته زعل وضاج
دخلت لصفحة غيث وكتبتله
I am so so surry for today
I don't know what this word meant
Please forgive me
غيث : كتبي عربي ليش تتفلسفين
ضي : احسها اسهلي هيه لغتي الام
المهم والله ما متقصده اضوجك اليوم
غيث : اممم وشنو المقابل
ضي : ليش تحسب كلشي مقابل
غيث : الحياة اخذ وعطاء
ضي : هوه صوجي انا نزلت نفسي واعتذرت
واني عمري ما معتذره من احد
غيث: اي وهسه
ضي : ماكو شي انسى
غيث : شلون ماكو شي انتي غير اجيتي تعتذرين
وانا ما قبلت
ضي : انت منو حتى اعتذر منك انت شايف نفسك
مباوع لروحك بالمرايا
تجبر الناس تتنمر عليك
غيث : انا لو مثلج عندي عيون عبالك كلوبات يلمضن
ووجهي مخسف ما حجيت
ضي : اصلا عيوني يخبلا وغمازاتي يسون سلف
غيث : اي ولذلك خبلني
ضي : شنوو
غيث : لا ماكو شي المهم
اذا تردين اسامحج اعتذري مني ١٠٠ مره يوميه مره
ضي : اووف لا من جدك
غيث : هذا الموجود هسه شتكولين
ضي : اوووف موافقه
غيث : بدون اوف ونبدي من باجر
ضي : تمام يله باي
غيث : وين رايحه
ضي : اممم راح اقرأ كتاب وارجع على واجباتي لان صالي اسبوع بالمستشفى
غيث : شسوين بالمستشفى
ضي : اركص للمرضى واغير نفسيتهم حتى يطيبون بساع
يعني غير مريضه
غيث : لا صدك شبيج
ما ادري ليش حبيت احجيله
ضي : من اول ما نولدت جان كلبي ضعيف وشي ف من جان عمري ٤ سنوات شكو ان احتمال نطلع بينه نفس المرض الي بماما لان ماما كلبها ضعيف وراثيا فسوولنا فحص كلنا وطلع اني عندي نفس المرض
فمن جان عمري خمس سنوات بعد ما ولدت ماما النور والنيزك بأيام بدت تجيني نوبات واوكع لان طبعي ما ابجي ولا أبين حزني جدا كتومه
المهم بعدين استقرت حالتي
بس من انقتلو بابا واخواني كدام عيني
واني قتلت الي سواها هنا بدت ترجع النوبات شويه شويه وهم اهملت صحتي والعلاج
فاكلتها هسه
غيث : الحمد لله على سلامتج متشوفين شر
ضي : تسلم
يله اني اترخص لازم ادرس
غيث : ليش احسج بس اتريدين تشردين
ضي : مو هيج بس ما عندي موضوع
احجي بيه وهم ما احب احجي هواي
غيث : لعد هذا منو الي حجالي قصة حياته
ضي : ما ادري ليش بس حبيت اسولفلك
غيث : تمام شكد عمرج
ضي : ١٢ سنه
ضي : وانت ؟
غيث : ٢٤ سنه
ضي : عزاا يعني أكبر مني بضعف عمري
صدك تذكرت باجر عندي امتحان لازم اروح هسه
غيث : شردي شردي يله تصبحين على خير
ضي : وانت من اهله
مرت الايام وانا وغيث يوميه نحجي خلصت السنه
وقررت اسافر الالمانيا حتى اسوي العمليه وقبلها اسافر لأمريكا اشوف البنات
قبل لا اسافر بيوم لكيت غيث كاتبلي مسج
غيث : ضي وعديني تبقين عايشه
ضي : اسف بس ما عندي امكانيه انطي هيج وعد
غيث : ضي لا تسوين هيج
ضي : بكلبي كومه حجي
غيث : وانا الوحيد الاستمعلج الاخر عمرج
ضي : اذا ناوي تروح لا تعلقنا بيك
غيث : هاي الكلمه كوليها لنفسج
اذا ناويه تروحين ليش علقتيني
ضي : موجوعه حيل خايفه كلش
ما اعرف ليش اكو خوف كلش جبير بداخلي
احس عقلي وقلبي وما اعرف اتصرف
كدام الناس اسوي نفسي قويه بس يعد ما بيه حيل هواي تحملت ما بيه اتحمل بعد
هموم مرات احس لو اموت احسن الي واريحلي ومرات اكول لا لازم اعيش اكو سنين ما عشتهن
واكو اشياء ما سويتهن
اكو كلمات ما كلتهن
كلش تعبانه مو بس كلبي احس نفسيتي مدمره
روحي تحترك
اذا رحت وما رجعت اتمنى تبريني الذمه غيث
شنو توقعاتكم للبارتات الجايه
شكرا على قرائتكم
