تجي ابالي ضحكتك واضحك وياها
نغمة الفراق
• • •
ضحكلي واني مدري شصار بيه
مشكلتي الخجل بين عليه
ما حاجاني نظرة وطالت اسبوع
وكلت هذا البشر مخلوق اليه
سود عيونه بس شو كلش كبار
فدوة تروحله عيون البقية
• • •
ايلا
جانت رساله من خليل
خليل : هاا اشتاقيتيلي
ايلا : اييع ليش اشتاقلك اصلا
خليل : لعد منو يفتر بصفحتي ويحط اعجابات
ايلا : بالغلط طلعتلي وضغطت عليها
خليل : يعني اي ولد تشوفيه تحطين عليه اعجاب
ايلا : هاا اي وليش
خليل بعصبيه : يعني كل ولد تشوفيه تخليله اعجاب
ايلا خفت : هااا
خليل : شبيج بابا جاي احجي وياج
ايلا : هااا والله مو قصدي اصلا شسمه
خليل : شنو شسمه ؟
ايلا : هااا شفت صفحتك من اصدقاء ريم وصار عندي
فضول وبالغلط ضغطت اعجاب
خليل بنبرة لعوبه : يعني ما عجبتج الصور ؟
ايلا : وليش تعجبني الصورة
خليل : تحجين صدك ؟
ايلا بغضب : اوفف شبيك وكفت هناا عادي صارت بالغلط
خليل : اي عيني بس لا تعصبين
ايلا : يلا اني لازم اروح
خليل : مع السلامه بنيتي
ايلا : منين صرت بنيتك ؟
خليل : من اول ما شفتج صرتي بنيتي
ايلا : يعني اي بنيه تشوفها بالشارع تصير بنيتك ؟
خليل : جا شعبالج كلبي حنين
ايلا : باي عمو الشايب مع السلامه
خليل : ههههه هااا صرت شايب
ايلا : اصلا انت شايب من زمان
خليل : هيج صارت هايهيه يابنت كلبي
غلقته كبل حسيت وجهي صار يضخ نار
يا ربي هاي ليش هيج صار وياي
ريم
رحت لغرفة خليل
دكيت الباب
خليل : ادخل
ريم : ها ها ها شعندك ويه صديقتي
خليل : شدخلج
ريم : حرام عليك مو اني بنت عمك بليز سولفلي
خليل : ريم
ريم : هاا
خليل : راح اكولج شي بس مو تكولين
ريم : وعد وعد
خليل : انقلعي وسدي الباب
ريم : خليل لا تصير حقنه بليز
خليل : منو الحقنه ؟
ريم : وهيه تشرد انت انت والله انت
طلعت ركض وهوه يركض وراي
لبدت وره جدو
سليمان : هاا شصاير شبيك تركض وره اخيتك
خليل : جدي تكول عليه حقنه
ريم : جدوو اكولك شي
خليل : لا بداعت الخوه سكتي شتريدين انطيج
ريم : ورق خويه ورق
خليل : ولج مو اني اخوج
ريم : الخوة ما تجيب فلوس
خليل : عمي انطيج وامري لله
ضحكت وانطاني خمسين الف
وراح كعدت يم جدو
ريم : جدو شكد تنطيني واسولفلك شيسوي خليل
سليمان : شكد هوه انطاج
ريم : انطاني خمسين
سليمان : اني انطيج ميه
ريم : جدوو خليل يحب صديقتي وكايللها يروحي
وخابرها يكوللها بنت كلبي
يعني احتمال جبير يطلع عاشق الاخ
لو يضحك على البنيه
وانته جر اذنه الباقي يمك
سليمان : والله خوش اخبار تستاهلين
انطاني فلوس ورحت اليوم حصلت ١٥٠ الف هههه
صعدت شفت خليل
خليل : اني اعلمج صبريلي
مديتله لساني وشردت لغرفتي ..
ملاذ
لواء : مستعده تكونين زوجتي ونتشارك الحياة سوة
نوكف بوجه كل مشكله ونحلها سوة ؟
ولج ملاذ والله اني عاشقج والله احبج وراح اسوي كل شي الراحتج
