شعدهن ذكرياتك يجن وكت النوم
نغمة الفراق
• • •
مدري وين
ومدري ليش
بين اموت
وبين اعيش
شايل جناحي ارد ابيعه
وطلع جنحي بلايه ريش
هناك يم ذاك الغصن عصفوره ميته
هناك كلما ما رجع ومتاني
• • •
ملاذ
مرت يومين تعبني زعل لواء
جانت دنيا الليل رحت دكيت باب غرفته
لواء: ادخل
دخلت للغرفه
ملاذ : لواء لواء بس باوعلي
شوف لواء اني موافقه نقدم العرس
دار وجهة باوعلي وانقض عليه يبوس بكل شبر بوجهي
ملاذ : انطيني صبر خلي نحجي
شويه بس وخر
لواء : احجي وانتي بمكانج
ملاذ : شويه بعد اتوتر هيج
لواء : تمام تمام عمي تأمرين
ملاذ : اي حبيبي العرس نسويه بعد سنوية عمو احمد اني اريد نسويه يوم 11.11
لواء : تمام كلش مناسب
صح هم هواي بس نتحمل شنسوي
بقه يمي يسولف وياي ويتغزل بيه
مرت الايام واحنا علاقتنا كلش حلوه ما بيها اي شي
صار موعد عملية ضي وسافرت جنه كاعديم على العشاء قبل العمليه بيوم دز لؤي فيديو لضي قبل العمليه وصراخها كلش تاذينه وكلنا بجينا عليها
ضي
بقيت اصرخ لحد ما صوتي اختفه وتعبت ونمت على صدره كعدت لكيت نفسي نايمه وهمام حاضني
وخرت منه وكمت سبحت ومشطت شعري بدلت
وطلعت سويت اكل وكعدت اكل
العملية الساعه ب ٨ بليل وهسه الساعه ب ٨ الصبح كملت وكعدت اصور فيديو
ضي : ما اعرف شلون ابدي الحجي
ومن وين ابدي
احتمال جبير هذي اخر ساعات بعمري
احب اكوللكم اني احبكم حيل
اول شي روح
طول عمرج جنتي نصفي الثانيه
وروحي من الدنيا
احبج حيل يا بعد دكات كلبي
دائما جنتي مساندتني بكلشي
لو متت لا تبجين
بس لا تكتمين مثلي وتتأذين
دائما راح اكوم وياج واساندج
من فوق
همام
حيل زعلانه عليك
موقفك جان كلش صعب
تعبني الاشتياق الك والهم
جان السبب منكم
بس رغم كل هذا احبكم
واذا متت فأعرف اني مسامحتك
وبابا من راد يموت كال اني مسامحه
لو متت ارجع ودير بالك على اخوتك
لا تتركهم وتخليهم يحسون بالنقص
احبك حيل همام
النور والنيزك
انتم جنتو سر ضحكتي
اخر فرحه
اخر ذكرا من ماما
اخر نفس
احبكم اكثر من الدنيا
اذا بقيت عدله لهذي اللحظه
فأنتم السبب
وجودكم بحياتي جان اله اثر عظيم
احبكم كلش حيل
بابا وماما ومهيمن وجود
لو متت راح الحقكم
واذا بقيت عايشه راح اذكركم
احبكم حيل يا حسرات كلبي
ليان وليال
انتم روحه المهيمن وكلبها المرام
احبكم كلش كلش هواي
جانو ابوكم وامكم يحبوكم حيل
كونو اقوياء علمودهم
ورفعوا راسهم بكل وقت
ايهم
انت اخوي بالرضاعه وابن خالي
عشت ويانا طول عمرنا
كلش نحبك
وانت همات رحت وما سألت علينا
اجذب عليك لو كلتلك ما زعلانين عليك
