لو تمطر ثلج ما تطفه نيراني
انا بنته الوحيده وأصغر اخواني
نغمة الفراق
• • •
مثل كل مره ارد تعبان
واشمر روحي بفراشي
ويلوليلي التعب واغفى
مثل كل يوم اكول الدنيا ما تسوه
• • •
ايلا
كعدت الصبح متأخره عن المدرسه
ركض ركض لبست ملابسي ورحت اركض للمدرسه
حتى السايق عايفني
جاي اعبر الشارع جان تجي سيارة رادت تضربني بس وكفت
من الخوف وكعت بالكاع
وكمت ابجي
طلع السايق وجان خليل ابن عم ريم
اجه يمي
خو ما صارلج شي تاذيتي؟
رفعت راسي اله وعيوني كلها دموع
ايلا ببكي : تأخرت على الامتحان هسه ما يدخلوني
خليل : وتبجين ؟
ايلا : راح يفوتني
خليل : كومي صعدي بالسيارة اني اوصلج
كمت صعدت وراه
خليل : ولج شنو اشتغل تكسي وما ادري
تعالي كدام
اجيت كعدت كدام جنت كلش مستحيه
خليل : انتي غير صديقة ريم
ايلا : اي
بقا ساكت لحد ما وصلني للمدرسه
ايلا : شكرا
خليل : واجبي
ضليت انكت بملابسي من التراب
فتح الجام وصاح
خليل : ولج دخلي تأخرتي
ضحكت واشرتله باي ودخلت للمدرسه
بوجهي للصف خلصنا امتحان وطلعنا اني وريم وسولفتلها كلشي من الالف للياء
ضلينا نحشش ونتنمر على الطالبات
خلصنا الدوام ورجعت بالرجعه خليل اشرلي اجي وياهم
السايق اليوم ما جاي
ما اكدر ابقى بالشمس
فصعدت
ايلا : هلوو
خليل : اهلا
وصل اخته وبنات عمه لان بيتهم اقرب
وبعدين اخذني البيتنا
بالطريق وكف وكال
خليل : تعالي صعدي كدام
اشرت راسي بنعم
وصعدت ليكدام
خليل : شنو اسمج ؟
ايلا : اني ايلا
خليل : جاوبتي بالامتحان لو لا
ايلا : اي جاوبت كلش زين بعدها طلعنا اني وريم
(سولفتله كل الي صار ) وهوه ساكت ويستمع
بعدين غطيت وجهي وحجيت
ايلا : اتوقع طلعت كبل ههه
خليل : لا ابد احجيلي عنج
ايلا : مثل شنو
خليل : عمرج ترتيبج شخصيتج
ايلا : عمري 17
انا الصغيره بالبيت والمدلله
اممم البنت الوحيده وكلمتي مسموعه بالبيت
وما ينرفضلي طلب
طبعي عصبيه وعنوديه بس كلبي طيب
ما احب اكل هواي بس اذا الاكله احبها لا
هنا نترك حتى الاتكيت هههه
انا طبعي اجتماعيه
احب الرسم
وبس ..
خليل : حلوو يله نزلي وصلنا
ايلا : يله بايي
خليل : باي يروحي
ايلا : فتحت عيوني بصدمه
ضحك واشرلي بيده وراح
وصلت للبيت
واول ما دخلت خابرت ريم
وسولفتلها كلشي وهيه كبل هلهلت
ايلا : ولج ثول على كيفج فضحتينا
ريم : اووووي حب من اول دعمه
سكرنا من الضحك وكعدنا نحشش ونصنف
بعدها رحت نمت كعدت ب ٨
نزلت جوه
ايلا : ولكم راح اموووت من الجوع
اريد اكلللللل ولج ساررره
سارة : خرا بيج فضحتينا بصوتج
ايلا : سروو حبيبتي حياتي اسعفيني بالطعام
ولج معدتي كامت تصيح
سارة : تدللين روحي غسلي وتعالي
رحت عشلت واجيت وكعدت اكل
خلصت رحت اقره اني اقره واجه ببالي خليل
سديت الكتب وفتحت مبايلي ابحث عن صفحته
ايلا : لكيتك
كمت اكلب بصوره وبالغلط خليت اعجاب على وحده من الصور بسرعه شلته
ايلا : اهدي ايلا محد شاف محد يدري
اجاني مسج
