عيونج تشبه الكهوة
مو سادة ووسط حلوة
نغمة الفراق
• • •
احله عيون بالدنيا شفتهن
هذني عيونك الماكو مثلهن
بريئات وينام بصفهن الطير
مو بس حابهن متت ابعشكهن
بيهن لون من عنده السمه تغار
لهذا مرجحت روحي برمشهن
• • •
ريم
دخلنا جوة ورحت ركض لغرفه خليل
ريم : يله خيليو ورق
خليل : بس ما حصلت شي
ريم : لا عبالك تضحك عليه هاا
ورق عيني لا افضحك فضيحه
خليل : اني غبي تعاقدت وياج
ريم : اي عود منا وتوب
طلع خمسين الف وانطانياهن
اخذتهن ونزلت جوة دخلت للمطبخ لكيت لؤي واكف ويباوع للبنات ومن دخلت دار عينه
ريم : ها لولي حبيب اختك عليمن تباوع ؟
لؤي : ما مباوع متوهمه
ريم : تره ما تمشي عليه
لؤي : شوفي راح اكولج بس بيناتنا
ريم : احجي احجي سرك بير ( كلها تشرب من عدنا )
لؤي : شوفي اني احب لحن بس ما اعرف اعترفلها
ريم : اممم شغلتك محلوله بس ورق
لؤي : هههه نشوف الشغل وبعدين التوريق
ريم : اتفقنا لعد
دخلت جوه يم لحن
ريم : لحون انتي تحبين لؤي ؟
لحن : هااا لا ما احبه
ريم : اممم
كمت من يمها وطلعت بره
نغم
طلعت من الهوسه تعبت من الركص اخذت تلفوني
ورحت اطك صور رفعت راسي شفت همام يباوعلي
همام : ليش طالعه بره بارده الدنيا
نغم : بس طلعت اطك صور
همام : يله دخلي جوه لا تتمرضين
لو الولد يشوفوج
اجيت اريد ادخل واباوع لكيت ريم تباوعلي وتغمز
دخلت جوة
ريم
تقدمت على همام
ريم : هلوو ابن عمي العزيز شلونك شخبارك
همام بابتسامه : الحمد لله زين
ريم : همام هم تحب وحده منا منا
همام : ليش شدخلج
ريم : احم احمم
اقدم اليكم وكالت ريم
لجمع المحبين
اذا جنت تحب وما تعرف توصل لحبيبتك
ريم موجوده بخدمتكم في اي وقت
همام : قصدج الوسواس الخناس كاشف الاسرار
ومبتزة الناس
ريم : اوووي شنو هالسمعه الزفت تره اشتغل لمصلحتكم
همام : اي صدقت
عفته ودخلت جوه
غيرت ملابسي لبست تنورة سودة للركبه وقميص ماروني وطلعت يم الولد
شفت محمد ورحت يمه
ريم : محمد حمود ابو المود
محمد : اجتي الحيه هههههه
ريم : حمودي عدنه عرض خاص للقاء المحبين
تحب وحده معجب بوحده حتى نرتبلكم لقاء
محمد : لا مشكورة الحيه المسمومه حتى تفضحيني
فضيحه
ريم : هاي اني مع الاسف عليكم
رحت يم اصدقاءه جانو دوم يجون علينا
فعادي
ريم : احمم احممم
كدامكم وكالت ريم لجمع المحبين
اذا تحبون اكدر ارتبلكم لقاءات ويه التحبونهم
يمان : عتقينا يابا والعباس ما نحب
غيث : شكرا ما محتاجين اي شي بس روحي
ريم : اوووف شنو هاي السمعه الزفت تره صدكو مجربه السالفه
ريم : اوك
اقدملكم ريم لكشف الاخبار والاسرار المطمومه
غيث ويمان ومحمد : ههههعععع
محمد : احجي بالله شعندج
ريم : اول خبر عائلي قريبا راح تتم خطبه خليل من صديقتي ايلا واليوم تعاقد وياي وحصرها بالغرفه
محمد : صدك والله هههههع
غيث : والله خوش اخبار مضمونه
يمان : مو بنيه طركاعه سودة
ريم : ثانيا لؤي يحب لحن بنت خالة ضي
محمد : حلفيي
ريم : والله شبيك هوه كلي
غيث : هههههع جابتها كووول
ريم : يله انطوني فلوس خو مو ابلاش
محمد : هاج عمي خلصينا من شرج
ريم : هااا حمودي احجي احجييي
محمد : شعندج ولج
ريم : انطيني اكثر من خمسين لا افضحك
محمد : شمسوي ولج
ريم : اسمعوو محمد يحبب
محمد : ولج هاج والله هاج
ريم : لزمتك تحب منووو احجيي ؟
محمد : انكلعي لا اطيح حظج
ريم : اعرف اعرف وين تروح من عيوني
غيوث سمعت بيك تحب
احجي فضفض
غيث : منو كلج
ريم : الخبر مضمون سمعت اختك كالت للي تحبها
غيث : عميي بس ستري علينا شال خمسه وعشرين وانطاني
وانت يمان يابس ما عندك
اخذت ١٠٠ الف ورحت للبيت خمسه وسبعين من خليل
خوش شغل فديتني ههههه
ناي
خلصت الحفلة لبست قميص سمائي وتنورة سودة ويلك اسود وبوت اسود وجنطه سمائي
ناي : ضي تعالي نطلع
ضي : تمام
ريم : عادي اطلع وياكم
ناي : اي تعالي
طلعنا سوه ضي لبست بنطرون اسود وقميص ابيض ويلك اسود ورابطه شعرها
طلعنا نريد نروح صاح بينا محمد بصوت
محمد : هايي وين رايحات وانتي شلابسه
ريم : طالعين للمول
محمد : نايي ركض للبيت غيري ملابسج
ناي : شدخلك بلبسي
محمد : نايي ركض على البيت غيري ملابسج
ناي : بصفتك شنو تأمرني
ريم : اويي شوفووو الغيرررة
باوعتلها بصدمه اشوف محمد كوه كاض ضحكته
ناي : شنووو؟
ريم : حبيبي شغلي عقلج حمودي يحبج ويغار عليج
محمد : ريمممم انجبي
ريم : عرفتك والله عرفتك
دخلت للبيت زعلانه لان ما خلانا نروح ..
ريم
اوفففف اويلييي الحب الحب
دخلنا للبيت بعد ناي كعدنا انا وضي نسولف
شويه وكمت من يمها رحت وين كاعد جدوو
ريم : جدوو حبيبي تعال نسولف
سليمان : تعالي كعدي هناا
علي : لا بويه روح وياها عدها اخبار الظاهر
ريم : عمو مع احتراماتي بس اسكت لا افضحك
علي : عمي سكتنه والله
ريم : جدو تعال نسولف
سليمان : هههه اجيت اجيت
دخلنا للبيت وكعدنا بغرفه جدو سديت الباب
ريم : جدو عندي الك اخبار نارررر شكد تنطيني واسولفلك
سليمان : احجي واني أقيم
ريم : اول شي خليل حصر ايلا بغرفته واتفق وياها يخطبها بعد الامتحانات
سليمان : بيها الخير هاج هاي خمسين
ريم : لؤي يحب لحن بنت خاله ضي وهيه معجبه بيه
سليمان : وهاي خمسه وعشرين
ريم : محمد يحب ناي واليوم غار عليها
سليمان : هذا موسم الاعراس هاج بويه هاي خمسه وعشرين
ريم : غيث يحب ضي واليوم اخته كالت لضي
وضي ضلت ساكته
سليمان : هههه غيث خوش رجال وهاج هاي خمسه وعشرين
ريم : همام وكع بحب نغم اليوم شفته شلون يباوعلها خايف عليها وكاللها دخلي لا تستبردين بس هوه جان غيران عليها خاف واحد يشوفها
سليمان : هههه وهاي خمسه وعشرين
ريم : يله اني خلصت شغلي مع السلامه
سليمان : الله وياج
وهسه صار عندي ١٥٠ ومساع ١٧٥ الحمد لله والشكر خوش يوميه ههههه
ضي
صار الليل وصارت حنة الولد كامو الولد يركصون جوبي
ما تحملت طلعت يمهم
ضي : بليز فسحولي مجال وياكم
محمد : انتي وين تعرفين
ضي : مع الاسف اني ما اعرف لزمت راس الجوبي
اجتي ضي تركض
روح : واني همات وياكم
السبحه بيدي كمنه نركص تونسنا كلش حيل
لواء : والله طلعتي مو شويه هههه
ضي بغمزه : لعد شعبالك
كملت حفلة الولد ورجعنا للبيت
روح
خلصنا ورجعنا للبيت وطول ما اني اركص جان ليث يخزر بيه
وصلت شويه عن البيت دخلت ضي واني حسيت ايد تسحبني وراء البيت اباوع الكاه ليث
روح : ليث شتريد ليش هيج لازمني
ليث : روح شلون تركصين كدام الناس كلها
ولج ليش هيج تسوين بكلبي
روح : شبيك ليث ايدي جاي توجعني
نزلت من عندي دمعه
ترك ايدي وحضني حيل حسيت نفسي راح ادخل بصدره
ليث : روح احبج احبببج اغار عليج ودلي ادخلج بكلبي واسد عليج ما اتحمل كلها تباوعلج ويحجون بجمالج
ولج اموت عليج
ضليت بصدمه وخرني من حضنه باوعلي ورفع راسي بايده
ليث : حبيبتي روحي انتي تحبيني ؟
روح تحب ليث لو لا ؟
وشنو راح يصير بالبارتات الجايه ؟
انتظرونا ..
