ما سويتلك مو زين هاي الضلت بكلبي
نغمة الفراق
• • •
حط سماعته بصدري
هز ايده وبجه الدكتور
مدري شكال للوياه
المهم ما قصر ومعذور
اجيت الليلة اودعكم
اسكت واتنو سمعوني
اريد اشبع حجي منكم
كبل لا اغمض عيوني
• • •
رند
بعد ما سمعت الطريقة الي سوتها ضي حتى تنقذ صديقتها قررت اكوللها بمشكلة ريم
بلكي تكدر تساعدها
رحت دكيت الباب طق طق
ضي : تفضل
رند : مرحبا ضي
ضي : اهلا تفضلي
سوالي مساحه كعدت يمها
ما جنت اعرف منين ابدي احجي
ضي : لا ترتبكين احجي كلشي من البداية
رند : احمم ما اعرف شلون ابدي
بس اريد مساعدتج
ضي : اهدئي واحجي
رند : عندي سؤال
اذا شخص دخل بعلاقة
والطرف الثاني كام يهدده بصور شنو يسوي
ضي : اكو هواي طرق يكدر يسويها
بس السؤال الأول
الصور حقيقية لو لا ؟
رند : لا كلها فوتوشوب وبوضعيات جدا سيءة ومقرفة
ضي : منو هذا الشخص ؟
رند : اكدر ما اكول
ضي : براحتج
اوك اول شي لازم نهكر جهازه ونحذف كلشي
ثاني شي ء لازم نسجل صوته وهوه يبتزها
ثالث خطوة نشتكي عليه
رند : تكدرين تسوين هذي الخطوات ؟
ضي : تمام بس منو الشخص
رند : ريم
تركتني ضي وطلعت طلعت وراها شفتها توجهت لغرفة ريم ..
ريم
دخلت ضي
ضي : عادي احجي وياج ؟
ريم : تفضلي
ضي : راح احل مشكلتج
بس لازم تعرفين انو غلط تثقين ثقة كامله
باي شخص حتى لو جان جدا قريب منج
ريم : والله تعلمت من غلطي
ارجوج ساعديني
ضي : ما لازم تصغرين نفسج وتترجين اي شخص
وهذا المعلومه الثانية
وهسه اتصلي بيه وفتحي سبيكر وحاولي تخلي يعترف على نفسه
ريم : تمام
اتصلت بيه
زيد : هاا رجعتيلي
ريم : اترجاك لا تسوي هيج والله ما مسويتلك شي
ليش هيج تأذيني وتهديني بصوري والله حرام عليك
زيد : بلا حجي زايد هسه انشرهن لو تجيني
ريم : وين نلتقي
زيد : اممم باجر بال........ قرب ....... الساعه ب ٢ الظهر
ريم : الله لا يسامحك الله يكسرك مثل ما كسرتني
سديت الاتصال
ضي : هسه كلشي تمام
باجر تتجهزين للموعد ونروح اني وياج
ريم : تمام شكرا
ضي : خلي يخلص كلشي بعدين شكريني
..
نغم
طلعنا من البيت وكبنا السيارة
ليث : روح ما تحسين ضي غريبة
روح : بالعكس شخصيتها جدا حلوه
تعرف تتصرف التصرف الصح بالوكت الصح
ما تترك عليها اي كلمه
تساعد الكل
صغير جبير
جدا كريمه وتستمع للمقابل قبل ما تحكم عليه
هادئه باوقات
وبأوقات ثانيه تكون شعله متقده
ثقتها بنفسها
بس ..
ليث : بس شنو
روح : ماكو شي انسى
ليث : لا شو اله تحجين
روح : ضي مريضه بمرض بالقلب جدا خطير
واخر فتره هيه هامله صحتها والعلاج تماما
اخر فحص سوته قررو يأجلون عمليتها
بس هسه ما اعرف احتمال يقدمونها
