مو من مرض ونيت مو شوكي الكم
لو بيدي احط الروح يم باب اهلكم
نغمة الفراق
• • •
يا بويه جاسج مرض
ما تكفي لأسم الله
المفروض بيه الوجع
كون انا الاتلوه
كون اني اشبع سهر
مو عيني الحلوه
وتدرين اضم بالدمع
من شفت صوتج نصه
وتحجين بالكوه
• • •
لارا
أصعب شعور يمر على الإنسان هو انك
لا تعرف من انت لاتعرف من والديك
وما سبب تركك في هذا المكان
لماذا لم تعش كباقي الأطفال
حياة جميله يجمعكم بيت صغير
امك تطهو لك الطعام ووالدك يأتي من العمل متعب
لتجلس في احضانه وبعدها يقوم بملاعبتك
جنت افتقد شعور العائله
عشت طول عمري بدار ايتام
واليوم اكملت عامي الخامس عشر
وليهسه الطفلة الي بداخلي تنتظر تحصل عائله
تحبها وتحميها وتفديها بنفسها
اعرف راح تخيب امالي بيوم من الايام
وتنكسر هذي الطفله
روح
حسيت حركه بالغرفه رفعت راسي لكيت
ضي فاتحه عيونها صرخت من الفرحه
طفر همام من الكرسي
همام : ضي حبيبتي
روح بدموع : ضي كعدتي
رجعت غمضت عيونها بتعب
راح همام نادى الاطباء طلعونا من الغرفه
همام خابر ايهم واني خابرت جدو
همام : ايهم ضي كعدت جيب البنات وتعال
اي اي والله فتحت عيونها اني شفتها
هسه الاطباء بالغرفه يمها
تمام ان شاء الله
خابرت جدو
سليمان : الوو بابا روح شلونج
روح بفرحه : جدوو ضي صحت
سليمان : والله صحت لمته وشلون
روح : جنت نايمه على ايدها وهيه حركت ايدها وفتحت عيونها بعدين غمضت
سليمان : وهسه ؟
روح : هسه الدكاتره دخلو يمها
سليمان : ان شاء الله باجر اني يمكم
روح : تمام جدو توصل بالسلامه
غلقت الاتصال شويه وطلعو الدكاتره
الدكتور ( بالالماني )
المريضه صحت مجرد عدة ايام وتكدرون تطلعونها
لان احتمال تواجه مشاكل بالحركه او الكلام
تشكر همام منهم ودخلنا يمها
لكيناها فاتحه عيونها
همام : ضي شلونج حبيبتي شنو تحسين
روح : ضي انتي زينه
ضي بخنقة : تمنيت اشوف بابا وماما بهذا اليوم
كالتها وحضنها همام
همام : حبيبتي بس رجعي مثل قبل اني اصيرلج
ام وأب
دارت وجهه منه وما بادلته الحضن اخذ حسرة وابتعد عنها
جابولها اكل اكلت شويه وكالت كافي
بعدها فتحنا كامره ويه بيت جدو
الكل حجا وياها وهيه لو تحجي كلمتين لو تهز راسها
حسيت نفسيتها جدا متحطمه
ثاني يوم اجه ايهم وناي ولحن
طول ما يحجون وياها هيه ساكته
وصافنه تحسها بغير عالم
ساعدوها تمشي جانت خطواتها بطيئه وما تكدر
تمشي وحدها اله واحد يسندها
بعدها اجه جدو وعمامي وهيه نفس الحاله
رجعنا بعد اسبوعين للعراق وحالة ضي نفسها
استقبلونا بالباب وذبحو جوه رجلين ضي
كعدوها بالاستقبال لان الناس تريد تشوف كامو الخطاطير تروح وتجي علمودها وهيه ما عبرت اي واحد اكثر شي تسويه تهز رأسها
واحد من الضيوف : شنو البنيه خرسه ليش متحجي؟
اغتاضت ضي وكالت : شدعوه هالكد مهتم للموضوع
شدخلك اذا خرسه لو لا شكد طفيلي
سليمان : جدو عيب غير الناس جايه تشوفج
ضي : واني ما اريد اشوف احد
كوم همام اسندني اريد اروح الغرفتي
كوووم همام
همام : بابا وين رايحه
ضي : مو صوجك ما احتاجك اني اكوم
حاولت تكوم ومبين بيها الوجع بس العناد والغضب
مسيطر عليها كدرت تكوم وتمشي بس ببطئ
راحت من الاستقبال
سليمان : البنيه نفسيتها تعبانه حقكم عليه
طلعت وراها لكيتها بغرفتها تبجي من دخلت سوت روحه نايمه
سديت الغرفه خلي تاخذ راحتها
بعد اسبوعين صدمتنا ضي بقرار ..
ضي
فتحت عيوني حسيتهن مغوشات ويوجعني حركت ايدي فزت روح وصرخت كعد همام اجوي حاجوني
بس ما جنت منتبهه واسمع شيحجون غمضت عيوني
ورجعت للظلام
كعدت بعد وقت ما اعرف شكد صارلي انا هنا احس جسمي كله متكسر
بعظها صحيت اكدر اشوف زين بس احس نفسي ما متقبله الناس
بين كل الوجوه ادور على وجهه واحد
رغم اعرف مستحيل اشوفه
بهذي اللحظه حسيت بفقد الاب
لحظه دخلت للموت وهوه ما موجود
بوقت دخلت الصاله العمليات ولساني يلهج باسمه
ثاني يوم جابولي مبايلي ما جان الي نفس بيه
لكيت رسائل من غيث كان كل يوم يرسل
بس ما يتلقى جواب
ما رديت على اي شي هوه كاتبه
دورت بين الارقام ما لكيت رقمه
صرت مثل الطفل ما اقتنع
ادور عنه بكل مكان
بكل وجهه بس اريد اللمحله طيف
بس هيهات
تغيرت حيل صرت ساكته اغلب الوقت
وعصبيه حيل
رجعنا للعراق ما جنت اريد اله اشتم عطره
اخذني همام للبيت اول مره بعد سنه
دخلت ادور عطرهم بلبيت بين قمصانهم
لكيت عطره لكيته
حضنت قميصه بكل قوه ونهاريت بالبكاء
مرت الايام وكل يوم نفسيتي تصير اسوء
واسوء ابتعدت عن الكل
بيوم اتصلت بهمام جان طالع
كتله همام تعال محتاجتك
صدك نص ساعه واجه
اول ما دخلت قفلت الغرفه
همام : ها حبيبتي ضي شنو تريدين
ضي : همام تعبت ما اريد اضل هناا
همام : بس كولي وين تريدين ترحين
ضي : همام اريد اسافر التركيا وما اريد احد يدري
اريدك تنقل اوراقي كلها هناك
اختنقت من هذا المكان اريد ابقى بوحدي اريد اعيش لنفسي
همام : واني اشوف هذا احسن حل الج
صدك مرت الايام وهوه يحضر بكلشي
بيوم صبو الغده جانو مسوين سمج
باوعتله وابتسمت
سليمان : بابا ضي تعالي ويانا اكلي زين الج
ضي : ما احبه
باوعلي همام واجه مسح على راسي وباسني
سحب ايدي واجه كعدني يمه كام يفلسلي ويوكلني
مثل ما جان بابا يسوي
نفس الحركه
طول عمري جنت ما اكل هذي الاكله اله من ايد بابا
وهوه حس وعرف لشنو مشتاقه
صار الليل ومثل كل ليله يجي يخليني بحضنه وينومني صار يذكرني بكل شي بابا يسويه الج
رجعلي كل ذكرياتي
رجعلي ايام الدلال ايامي الي جانت متروسه حبهم وحنيتهم
حضنته حيل وبجيت
ضي : همام مشتاقتلهم والله ليش عافوني
ليش
حضني حيل
همام : حبيبتي لا تسوين هيج بروحج
ضي : همام حتى بجي ما بجيت
ما جنت مستوعبه لهنا وخلص كلشي
تره والله بعدنا محتاجيهم ما نكدر بدونهم
ضل يهدي بيه للفجر كعدني جان محضر جنطتي واغراضي
اخذني وسافرنا لتركيا
هناك ضل وياي يومين مدرستي قريبه
كعدت بسكن بيه طالبات عراقيات
جنه نروح سوه ونرجع سوه
بعدها رجع لألمانيا اخذ اوراق جامعته ورجع للعراق ..
قبل لا اسافر تركتلهم رسائل وداع
ودزيت رسالة خاصة لغيث
هلوو غيث
شلونك زين
صحيت من الغيبوبه
لكن مو نفس الشخص الي كان قبل لا يدخلها
تغيرت حيل
بدرجه يمكن تكرهني بيها
انا بخير حاليا
بس قررت ابتعد عن كل شي
قررت ابني ذاتي واوكف على رجليه
وبعدها ارجع
ما اعرف شكد يطول الموضوع
ايام اشهر سنوات
اتمنالك حياة سعيده بيهن
شكرا لان كنت صديق مقرب بوقت من الاوقات
جدا اشكرك على كل شي قدمته الي
ضي
ختمت الرساله ورجعت للواقع
غيرت ال SIM كارت وضميت القديم
غيرت مبايلي حتى ما احن وارجع عن قراري
شنو رأيكم بقرار ضي ؟
وشنو راح تشوف بحياتها الجديده ؟
