انَيّ وَ كُلشَيّ بَيّهَ يَروّحِلكَ فِدوّةَ .
نغمة الفراق
• • •
حِرّتَ شَكتِبَ كَلامّ يَمِثلّ
احِسَاسيّ يَا حُبَيّ
و حِنانِيّ
وَشِجَرّة انِفاسَيّ وَيّا
رُوّحِيّ العَزيّزةَ
المَا امِلهَا بَيوّمَ يَا رَمِز
المَحِبهَ وَيّا اعَزِ نِاسَيّ .
• • •
ملاذ
ضي : لازم نسوي مقلب بريم
نخليها اتوب وما تعيد سوالفها
البنات : اي صح بس شنو المقلب
ضي المقلب كالآتي.....
ضلينا نسولف وبعدها اجتي ريم وكعدت يمنا
صارت الساعه ٢ وكل وحده رجعت لغرفتها
ضي
كلها دخلت لغرفها واني طلعت بره هذا الوقت الي اختلي بيه ويه روحي
بديت رسائلي الصوتيه
ضي :
تدري البارحه شكد افتقدناك
من كلنا نجمعنا وما لكيناك
مكانك خالي بس حاضر خيالك
وكمنه بلا وعي نحضنه ببدالك
ورد بارد حضنه وما حضناك
تدري البارحه شكد افتقدناك
تدري بيك نعرف لمته موجود
من بالبيت نشتم ريحه ورود
عطر انفاسك نميزه من الأنفاس
وفرق بس عطرك نشمه بالاحساس
وكل جره نفس بيها ذكرناك
تدري البارحه شكد افتقدناك
نحس روحك ترفرف يمنه بالبيت
ومن يمي فتت بيك اني حسيت
طبع بينه الحزن يبدي من الغروب
ومن نيجي عليك تدمع كلوب
وما ضل كلب عدنا من بجيناك
تدري البارحه شكد افتقدناك
هلوو بابا هواي مر على فراقكم
بس لليوم ما مصدكه وللان انتظر عسى ولعل
يجي يوم من الايام وتسمعني
واني اعرف كلش الي جاي اسويه مجرد فضفضه
اعرف تسمعني وتعرف بأحوالنا
اليوم اول مره من بعد ٤ اسنين اذب الأسود جان صعب
بس هذي الايام وارجع
اليوم العائله كلها مجتمعه بس اماكنكم خاليه بكلبي
احبكم حيل
ما تدري شصار بيه من بعدكم
هواي شغلات صارت تمنيتك بيها موجود
انت وجود ومهيمن تخيل صار عندي طفل
لو تشوفه شكد حلوو
تكدر تكول حجب جزء من حزني
بس يضحك لا اراديا اضحك
كلش احبه
بابا تدري جاي نكبر
تخيل بابا ليث طلع يحب روح
يعني كم سنه وروح تصير عروس
تخيل كسرتها بعرسها وهيه لا اب ولا ام وياها
بعد ٣ سنوات ندخل جامعه بابا صرنا نكبر
بابا النور والنيزك صارو رابع ابتدائي
صارو يفهمون كلشي كبرو وطالو
وليان وليال صار عمرهن ٥ سنوات
وهم حليانات وصايرات كبار
يعني كلها كم سنه وتبدي اسئلتهن
وين بابا ووين ماما
وافتقادهم لاهلهم
عندي كومه سوالف احجيهن
بس ما اعرف منين تبدي
بديت احجي ساعات اخير شي حسيت غطا تخلى
على متني جان جدو حضني من كتفي وكعد يمي
سليمان : بابا ما تعبتي
ضي : يستاهلون التعب
جانو يتعبون كومه علمودنه
لو ابجيهم كل عمري هم ما اجازيهم
شكد ما يكبر الانسان يبقى يحتاج امه وابوه
اني امي حتى شكلها ما شايفته بس بالصور
وابوي جنت اعز وحده عنده اااه
علقوني بيهم وراحو ما جنت محسبه لروحتهم
لو مره وحده يرجعون يحضنوني ويرحون
...
