وهل يكتب القدر لنا نصيب ؟
نغمة الفراق
• • •
كم أتمنى لو ان الحياة الحياة كقلم الرصاص
لمسحت منها كل ذكرى سيئة وماضي لا يستحق
الذكر
• • •
ابتسمت وهي تنثر شعرها البني
الذي بدأ الشيب بكتسائه
رغم أنها لم تنهي عامها العشرون
بثيابها السوداء التي تشرح الحزن في داخلها
لقد كانت الأعوام كفيلة بتغييرها
فمن أين تبدأ قصتها ؟
انا ضي انولدت بأمريكا من أب عراقي وأم روسية توأمي روح وفعلا هيه روحي من الدنيا عندي ثلاث أخوة اكبر مني مهيمن وهمام وجود ماما كانت مسيحية حبت بابا واسلمت كانت تعاني من مرض بالقلب جانت تدري انها سنوات قليله وتفارقنا فقررت ان تنجب اخر افراد للعائلة وكانوا التؤأم النور والنيزك بآخر فترة حملها كانت تريد تشوف العراق انجبتهم وبعدها بأيام فارقتنا حتى تندفن بمقبرة النجف الاشرف
كانت هذي اول خسارة بحياتي كان عمري بوقتها خمس سنوات
قرر بابا يربينا بحرص ويحاول يسد الفراغ الي صار بحياتنا
كنا كل يوم انا وروح ننام على ذراعه والنور والنيزك على صدره بعد نومنا يشيلنا لأسرتنا ويرجع يكمل شغله كان لفراق حبيبت عمرة الأثر على وجهه
واليوم عمري 12 سنه قررنا نرجع للعراق لكن هذي المرة رجعتنا أبدية
روح
كعدت الصبح على ضحكات جود ومشاكسته المعتاده
جود : كومي ولج ام كفشة
روح : جود عوفني اريد انام
جود : كومي يله حضرت البرنسيسة لمينه غراضج
روح : ما كعدت ضي لو النور والنيزك اله اني
جود : مو همه متانينج يله تحركي بابا
نزلت جوه وسمعت صوت ضي
ضي : Good morning dady
احمد : صباح النور حبيبت عمري
حضنته وقبلته وكعدت على مقعدها
روح : صباحكم اني
صباحكم شوفت وجهي الجميل
طبعا صباح خير غير اني الخير كله
ضي : ههه اليوم النرجسية مرتفعه
روح : لعد شعبالج
كعدنا ناكل وكالعاده ضي وسوالفها
ضي من الشخصيات الصعبه بكلشي
بالأكل بالشرب وبكل شي
حتى صداقات ما عدها ومن نسألها تكول
" مكتفية بيكم "
تاكل لقمه وتصفن كومه بعدها من تحت الطاوله تنطيني الخبز
وطبعا اني من الي يحبون الاكل كلش فما اعارض
ضي من تحت الطاوله : روح هاج
روح : جيبيها جيبيها
ضي : الحمد لله يله اني خلصت
احمد : بابا ضي ما اكلتي شي
ضي : بابا والله ما اشتهي من اجوع اكل
راحت ضي كعدت بالبلكون واخذت كتابها ومشروبها المفضل " الشكولا بالحليب " الي تشربه بكل الاوقات وكعدت تقرأ
روح : بابا هناك هم نروح لبيت جدو
احمد : والله ما ادري يا بابا الله يهدي جدج علينا
روح : بابا لعد جدو ليش زعلان منك
احمد : سالفه طويله
يله بابا كملو اكلكم وحضروا روحكم بعد خمس ساعات السفر
كام بابا وراحت ضي سبحت واجتي
ضي : دادي بليز مشطلي شعري
احمد : تعالي بويه شعندي غيرجن
خلص تمشيط لضي واجيت اني
روح : وانا كمان بليز دادي
احمد : ها ولج شنو انتي بالغيرة
عمي تعالي غالي والطلب رخيص
كملنا ولبسنا نفس الملابس اني وضي
جان بنطرون قماش اسود وقميص ابيض وسترة سودة من غير أكمام وشعرنا مظفور وكذلة طويلة
انا وضي توأم متماثل نسخه من بعض خلصنا ونزلنا
جانو النور والنيزك لابسين نفسنه وجود لابس بدلة رسمية لونها حبري وهوه عيونه زرك جان طالع كلش حلو وبابا لابس بدلة سودة
مهيمن كان مستقر بالعراق وهمام جان مسافر على غير دولة علمود دراسته وهمات صايره مشكله بينه وبين بابا بس ما اعرف شنو هيه
روح : بليز خلي نطك صورة اخيرة هناا
طكينا صورة وركبنا بالسيارة ورحنا للمطار
ركبنا الطيارة جان مقعدي يم ضي ونيزك والنور سوه وبابا وجود سوه
ضي : روح شلون تتوقعين أهل بابا
والحياة هناك
روح : والله جدا متحمسة اوووف يا ربي لمته نوصل
ضي: الله يستر اتمنى ننسجم بسرعه
روح : ان شاء الله
ضي
وصلنا للعراق يمكن هذي خامس مره ازورة بحياتي
رحنا لبيت العائلة الجبير مهيمن مستقر بالعراق هوه وزوجته وبناته ليان وليال
استقبلونا بالمطار همه وشخص ما عرفته لكن ينطي البابا شبه انتهت فقرة السلام الحار
روح : اكلج منو هذا
ضي : الله اعلم بس ينطي البابا شبه
روح : ولج خاف واحد من عمامنا
ضي : يحتمل ذلك
روح : هم كلبتي فصحه
ضي : هههه عادي تصير
احمد : بابا تعالو سلموا على عمكم علي
ضي : مرحبا عموو شلونك زين انا ضي الشمس ناديني ضي او ضيو
روح : مرحبا عموو شلونك زين مشتاقيين انا روح
انا وضي توأم
علي : هلا هلا بالبنات شلونكم بابا
ضي : زينين
روح : الحمد لله
رحنا بعدها للبيت وثاني يوم قرر بابا ياخذني وياه لبيت جدو بما انو اني الأكثر هدوء روح جدا حركه ههههه
جان بيت جدو يبعد عن بيتنا شارعين رحنالهم مشي
دخلنا للمضيف جانو هواي زلم موجودين
احمد : السلام عليكم شلونك بويه
سليمان : وعليكم السلام ورحمة الله
تقدم بابا حتى يبوس ايده
سحب جدو ايده ما خلاه
احمد : بويه انا اعتذر واطلب منك السماح
سليمان : ما مقبول اعتذارك انت كسرت كلمتي اطلع بره
حاول بابا يعتذر من عنده بس جان جدو قافل طلع بابا من البيت واني صافنه
بالي صار
ضي : ما اعرف شنو اناديك لكن احب اكول انو هذي الدنيا يومين وخلصانه واحتمال واحد منكم يموت مو حلوة تخلصوها زعل اتوقع اذا مات وانت كاسر بخاطره راح تندم بوقتها ما ينفع الندم وحسب ما بابا حجالي أن قلبك جدا طيب اتمنى تفكر بالموضوع مع السلامه
طلعت وكلهم جانو يباوعولي رجعنا للبيت تلكتني روح وسولفتلها كل الي صار
روح
مرت الايام
جانت نهاية شهر التاسع تحديدا اليوم 28 قرب يجي شهر محرم
جان جود يلعب بلايستيشن وضي بغرفتها تقرأ كتب ووليان وليال نايمات مرام تطبخ عشا مهيمن يم جود كاعد ويتصفح بالتليفون بابا يراجع سجلات المرضى
روح : نور نيزك خلي نخبث على جود
التوأم : يله امشينا
انتو احجوا وياه واني أطفئ الكهرباء واشرد خوش
التوأم : متفقين
نور : جود سؤال نادي يوفنتوس يرجع ليا دوله
النيزك يكول ايطالي صح ؟
جود : اي صح نادي ايطالي
النيزك : شوف مو كتلك اعرف
روح بهذا الوقت ركضت طفيت النقطه وركضت لغرفة بابا
جود : انا اعلمج ولج روح اله اطيح حضج
واني اضحك
روح : بابا فدوه احميني جود راح يضربني
جود : بابا طفت الجهاز عليه انت حاسبها
روح : بابا ضوجه وهوه ما يلعبنا وياه
احمد : روح اعتذري من اخوج
روح : اسفه
بابا نطينا فلوس نريد نروح نشتري
التوأم : اي بابا ضايجين
احمد : اشتروا للبنات ولضي وجود وياكم
روح : تمام بابا تأمر
انطانا بابا فلوس وطلعنا من البيت
روح : اوكفو شنو رأيكم نسوي سباق للمحل
التوأم : تمام
كما نركض والمحل بأخر الشارع وصلنا
روح : اه اه اه تعبت
نيزك : يمه طاح حظي
النور : يله بسرعه لا بابا يعاقبنا
دخلنا للمحل اشترينا كومه حلويات واجباس واندوميات حتى اليوم نسوي سهره ونتابع فلم
رجعنا للبيت نركض لكينا باب الشارع مفتوح استغربنا الموضوع ودخلنا من باب المطبخ وشفنا ....
توقعاتكم ؟
شنو الي شافوه ؟
وشنو راح يصير ؟
