خيرُ القلوبِ أحنُها
نغمة الفراق
• • •
هي لحظه
تصير ذكرة
وتحرك بروحك عمر
• • •
ضي
جنت كاعده بغرفتي اقرأ كتاب جنت اسمع موسيقى فجأه سمعت صوت ضوضاء جوه
نزعت السماعات جان اسمع صوت اطلاقات ناريه من الطابق الأول
ركضت بسرعه لغرفه بابا جان بيها سلاح طلعته بهذي اللحظه نسيت شلون نحط الرصاص بداخله واركبه بعدها كدرت ادخلهن
نزلت من الدرج خطوة خطوة جنت ساحبه أقسام نزلت واشوف واحد واكف وكل اهلي بالكاع جان بس بابا بعده عدل رفعت السلاح وصوبت المجرم بكتفه من ورا جان منطي ضهره للدرج دار ضهره مستغرب بسرعه أطلقت طلقه على صدره وهوه بنفس اللحظه ضرب طلقه اجتي ببطني ووكع بالكاع ضليت اضرب بي الى ان فرغ المخزن كله ركضت على بابا جان بيه اخر أنفاس
احمد : با بابا ضيي دير ديريي بالج على اخوت اخوتجج وكوللي الهمام اني مسامحه وكولي ال ال الأبوي يساامحني سامحونيي وحافظي على اخواانج
ضي : بابا فدوة لا تحجي هيج هسه تجي الإسعاف راح تكون بخير
احمد : اشهد ان لا اله الا الله وأشهد أن محمد رسول الله وأشهد أن علي ولي الله
نفض أنفاسه الاخيره وطلعت روحه تعالت صرخه كانت من داخلي كان صداها جدا عالي
ضي : باااااباااااا
روح : ااااا
سمعت صرخت روح دخلت تباوع للمنظر هيه ووراها دخل النور والنيزك
ضي : روح ركضي لبيت جدوو خلي يجون
بقت صافنه
صحت بيها بصوت عالي
ضي : رووووح ركضي بسرررعه
طلعوا كلهم يركضون
ازداد عليه الوجع سحلت نفسي على جود تحسست قلبه جان ميت مهيمن نفس الشي تمددت على بابا واني احاجي
ضي : بابا الله يخليك كوم الله يخليك لا تتركنا مثل ما سوت ماما بابا والله مو حمل نعيش بدونك بابا كوووم والله ما نشلع كلبك ولا نتعبك اترجاك بابا ربييي منك القوة والصبرر
روح
شفت مرام زوجة مهيمن بالكاع والدم بكل مكان فجأه سمعت صرخة ضي دخلت وشفتها يم بابا وكلهم بالكاع صرخت بكل صوتي بعدها صرخت بيه ضي انو اروح لبيت جدي طلعت من البيت اركض وحالي مبعثر وكعت بالكاع ونسيت كلشي ورجعت اركض وصلتهم ودكيت الباب بقوة
ليث : اجينه اجينه على كيفكم
استمريت بضرب الباب فتح الباب وبسرعه دفعته ودخلت صحت بعلو صوتي
روح : جدوووو جدووو عمو عليي وينكمم
ليث : شكو شصاير منو انتِ
روح : اني بنت احمد اريد جدو سليمان لو واحد من أبناءه بسرررعه
صيحهم
طلعوا كلهم
سليمان : هاا هاي انتي بنت أحمد
مسكت ايده وسحبته امشي بسرعه
سليمان : اوكفي شكوو شصاير غير نفهم شصاير
روح : بسرررعه ابويه واخوانيييي راح يموتووون بسرررعه الحكوا
سليمان : شنوووووو شلون
روح : بسرعه والله ماكو وقت
عفت ايده وطلعت اركض للبيت وهمه وراي جانو الجيران ملتمين بباب البيت ما يكدرون يدخلون
دخلت للبيت ودخلوا وراي كلهم لكيت ضي واكعه
اجت الإسعاف ونقلت كل الجثث كانوا كلهم ميتين بس ضي مصوبه ببطنها نقلوها لصالة العمليات
وكلنا رحنا وياها
سليمان : بويه انتي منو
روح : اني روح وهذي توأمي ضي الي اجتكم ويه بابا
نور : يعني هسه بابا مات !
النيزك : ومهيمن وجود هم ماتوا .
وتعالى صوت بجيهم
الوقت يمشي واحنا نشوف الأطباء يدخلون ويطلعون لصاله العمليات
الممرض : المريضه خسرانه هواي دم نحتاج دم فصيلتها A+
ليث : اني اتبرع فصيلتي O+
روح : شكرا جدا هاي وكفتك ما ننساها الك
ليث : واجبي
تبرعولها بالدم ورجعنا ننتظر
خلص وطلع الدكتور
الدكتور : سوينه العلينه نجحت العملية لكن الطلقه كانت قريبة جدا لرحم المريضه واحتمال تكون المريضه خسرت قدرتها على الإنجاب
حطيت ايدي على راسي وكعدت على الكرسي
روح : مو مهم اهم شي صحتها
طلعوها من العملية وجان وجهه اصفر جان بعده
البنج ما فاك منها
ضي : بدت تحجي بصوت مخنوك
اخاف من اعوفك
بعد ما اشوفك
واذا ما تجيني
اقدر ضروفك
طويلة رحلتي
واخاف برجعتك
بعد ما اشوفك
جان صوتها كلش حلوو
نزلت دمعتي
ضي : ماما حبيبتي ليش عفتينا ورحتي
ها ماما وهسه بابا ومهيمن وجود هم تركوناا
ليش ماما والله احنا نحبكم
بابا والله بعد ما نتعبك
فدوة بابا ارجع ليش عفتوني
بابا وصيتني عليهم كلهم
وانا منو وصيته عليه
بابا قلبي يوجعني ما احمل فراكك
طول عمرك ما جنت بس ابوو النا
جنت حياتنا كلها
بابا فدوة ارجع ما نكدر نعيش بدونك
والله والله بعدنا صغار
بابا اترجاك لااا تتركنااا
ضي
بعد ما راحت روح بديت افقد حسيت عيوني غوشت
فتحت عيوني
جنت بمكان يشبه الغابة ضليت أمشي الى ان وصلت قريب بحر شفت ماما وبابا وخواني
احمد : حبيبتي ضي
ضي : بابا حبيبي هذا انت ؟
احمد : ضي بابا ديري بالج على نفسج وعلى اخوانج
ضي : بابا اخذني وياك بابا اوكف
حاولت اتقرب منهم لكنهم كانو يبتعدون الى ان دخلت بنص البحر وغرقت بيه
فتحت عيوني واني بغرفه بيضه
روح
روح : تحركت ضي
اجا الدكتور شاف حالتها
الدكتور : بدت المريضه تصحى
بعد ربع ساعة كعدت ضي
روح : ضي بيج شي تحسين بشي
ضي : ...
روح : ضي اترجاج جاوبيني
ضي : مي
جانت تباوع للحايط ما باوعت لأي واحد من عدنا
نور : ضي انتي زينه
نيزك : ضي خوفتينا عليج
ضي : زينة لا تخافون
اريد اطلع منا
سليمان : جدي مو زين عليج هسه تطلعين
ضي : العفو بس الماتوا اهلي وانا اول شخص لازم اكون موجود بالاضافه إلى أن البيت اريحلي
سليمان : الله كريم
ليث جدي روح شوفلنا الدكتور
ليث : تامر جدي
شوي واجه الدكتور
الدكتور : ها بابا الحمد لله على السلامه شلون صرتي يحلوه
ضي : احسن احسن دكتور اريد اطلع ما اريد ابقى هنا
سليمان : دكتور عادي نطلعها
الدكتور : حاله المريضه مستقره هسه نسويلج خروج
ضي : شكرا جدا
الدكتور : واجبنا
طلعنا من المستشفى
ضي : شنو الي صار
وشنو راح يصير
روح : ما فهمت شنو تقصدين
ضي : قصدي وين ابوي واخواني
وشنو الخطوة الجايه ؟
سليمان الي جانت خانقته العبرة
- ابوج واخوانج حاليا بالطب العدلي
والي سويتي انتي يرفع الراس
كلنا وياج وانتوا ابنائي وراح تعيشون يمنا
ضي : شكرا جزيلا صح .... شنو اناديك؟
سليمان : كولي جدي
ضي : مم اوك جدو عندي الك امانه
سليمان : شنو هيه
ضي : وصاني بآخر أنفاسه اني اطلب منك تسامحه
وهاي اني جايه اطلبها منك
كتلك بأول مره شفتك بيها ان هاي دنيا
ارجوك لا تسوي هيج وتخليه يتحاسب على رضاك
سلمان : والله تراني مسامحه من زمان بس ..
بس ما جنت اريد اكوله بهذا الوقت تمنيت كايله
وجايبه يمي بآخر فترة بس ااخ كله بسببي ..
وصلنا لبيت جدي وفرشولي فراش جنت تعبانه حيل والبنج ما فاك مني بدون ما ادري نمت
كعدت الصبح على صوت ..
شنو هذا الصوت ؟
وشلون راح يأثر الي صار بضي وروح والتوأم ؟
وشنو العهد الي راح يتعاهدونه ؟
انتظرونا بالبارت القادم
