ما ننكر فضل ما ننسه خذلان
وشم بكلوبنه تبقه المواقف
نغمة الفراق
• • •
امس بالليل طيفك مر بالعيون
كعدت وياك ساعه وعاتبيتك
فجأه وراح طيفك فزت الروح
كلبت الليل كله وما لكيتك
• • •
ناي
بعد ما تأكدنا من المحامي قررنا نبيع البيت ونشتري
الشقه الي سكنتنا بيها ضي
لان المكان هادئ وحلو وارتاحينا بيه هواي
ونقلنا دراستنا قريب على الشقه
مرت الايام والاشهر وحياتنا مستقره كلش كنا كل أسبوع نروح للمدينه
نتسوق ونفتر ونرجع
اليوم لحن ما جانت تريد تروح للمدينه
رحت وحدي وخلال ما اتجول انضربت بشخص
ناي : اووف شلون ناس عميه ومتعرف تمشي
محمد : انجبي ولا تحجين علينا
ناي بصدمه وخجل : فهمت كلامي
محمد بابتسامه خبيثه : اي فهمت كلامج
ناي : اي واذا
المهم انت متشوف تمشي بهالشكل
صدك اني ليش اضيع وقتي وياك
تركته ورحت
رجعت للبيت الساعه ب 8 ودك الباب
ملاذ
اليوم البيت كله منشغل بسالفة ضي
ما ادري شنو الي خلاها هيج تنتكس
ادري ان الكتمان جدا يأذي بس اول مره
اشوف هذا الشي بعيوني
رجفت جسمها جانت مو طبيعيه
خلصنا الغدا وغسلنا الماعين
صعدت لغرفه لواء
لواء : اذا جنت مهم ادخل واذا مو مهم انقلع
ملاذ : حبيبي اني مهمة لو لا
لواء : انتي فوك كل مهم
تقرب وخلا ايده على خصري وخليت ايدي على ركبته بدلع
لواء : شلونها حبيبتي اليوم
ملاذ بدلع : اذا انت زين اني زينة
لواء : واني زين بشوفة هالجمال كله
اخذني كعدني على الجربايه وبدأ يوزع قبلاته على وجهي وركبتي
لواء : ملاذي لمته نتزوج والله طك كلبي
ملاذ : حبيبي بس اتخرج
لواء : ملاذ هواي بعد يا روحي خلي نتزوج
ملاذ : بيبي اصبر بليز مو هواي
لواء : ملاذ اذا جايه تشلعين كلبي
كومي طلعي
ضجت وطلعت صار الليل وكعدنا نتعشه وحانت ضي ومحمد ما موجودين
طول الكعده لواء ما يباوع بوجهي
واني العبرة خانكتني ما كملت اكلي ورحت ركض لغرفتي ..
ضي
انتهى الكتمان من نهش عظام والان انتقل الى أعماق قلبي
الخبر ما جان صدمه جنت متوقعه
الكتمان جان اله طاقه يسوي اكثر من هيج
قررت اخفي الموضوع عن الكل رجعت للبيت
والتعب ماخذ حيلي
ما جانت صدمتي جبيرة واني اسمع الدكتور يكول
ان اذا ما شديت همتي فقلبي راح يوقف بأي ساعه من الساعات ركبت السيارة
محمد : ها ضي بشري
ضي : تعبت محمد تعبت
خليني اموت الموت اريحلي
والله بس النفس باقي
انا متت من زمان
محمد امانه محد يعرف بأي شي
محمد : شنو كال الدكتور
ضي : اذا ما ساعدت نفسي الي كم شهر واكون تحت التراب بالإضافة إلى أني لازم ابقى هاي الفترة كلها بالمستشفى تحت المراقبه
رجعنا للبيت وبوجهي للغرفة شمرت نفسي على السرير ونمت
واني نايمه حسيت ايد تمسح على شعري
فتحت عيوني شفت بابا
بابا حبيبي هذا انت
احمد : حبيبتي ليش هيج تسوين
بابا شدي حيلج كلنا وياج
راح تصيرين زينه انت قويه
كعدت ردت احضنه ما كدرت
فتحت عيوني واني بالمستشفى ...
