لأهل الصبر نهايات جميلة
نغمة الفراق
• • •
سألني احدهم وقال :
لماذا ملامحك دائما متعبة بطريقة هادئة؟
فاجبته :
هل جربت يوما ان تشعر بحرارة دموعك على قلبك بدلا من خديك ؟
• • •
ناي
صعب ان تتاذه من الشخص الي لازم يكون سندك بالحياة
بوقتها فعلا تحس نفسك ما الك احد
انا ناي
انولدت بأمريكا من ام روسية وأب عربي
توفت ماما قبل سنه تقريبا
طول عمره بابا ما جان يهتم بينا او يحبنا دائما جان يضربنا على اتفه الأسباب
اغلب الايام جنه نعيشها ببيت خالتي ماريا
حتى بعد وفاتها
وجان زوجها خالو احمد كلش يحبنا
ويدللنا حالنا حال ضي وروح
لكن بعد ما سافر بدأ الموضوع يسوء
بحيث أخذنا اللغة العربيه من عنده
انا وضي علاقتنا من اقوة العلاقات
تجاوزنا مرحلة الصداقه والاخوه صرنا
نعيش على بعض
لحن : ناي اجه بابا شارب كلش هواي قفلي الغرفه بسرعه
ناي : تمام
قفلت الغرفه
جميل بثمل : ناي لحن وين رحتو
بدأ يطرق الباب بهستيريه
ناي بهمس : هذا والله اذا مسكنا راح يغتصبنا هوه واصحابو
لحن : شو نساوي هلأ
ناي : راح أدق على ضي بلكي تشوفلنا احد يساعدنا
دقيت مرة وثنتين ماكو جواب
لحن : شنو نسوي هسه ؟
تعالت طرقات الباب ...
روح
جنت كلش متأذيه ضليت كاعده شاعله شمعه وكاعده اباوعلها وابجي
فجأة حسيت ايد تطبطب متني رفعت راسي لكيته نفس الولد الي فتحلي الباب بالمرة الأولى
ليث : مرحبا تسمحيلي اكعد يمج ؟
هزيت راسي بالقبول
كعد وبقى صافن دقائق بعدين حجه
ليث : ادري الي صار وياج صعب الانسان يتحمله
بس الله ما يختبر الانسان بشي
اله يعرف ان هذا الشخص قادر على النجاح وتجاوز الاختبار
هسه تكولين انا بعدني صغيرة
وصعب اتحمل كل الي صار دفعه وحده
بس صدكيني راح تتجاوزين كلشي
وراح تكدرين توكفين مره ثانيه
وراح تحصلين اشخاص يعوضونج
وينسوج خساراتج
راد يكوم حجيت
روح : من بداية حياتنا انا وضي جان بابا واخواني يهتمون النا بشكل خاص عن الكل جانت الفرحة تارسه البيت لحد ما بدت ماما تسوء حالتها
جانت ماما منبع من الحنان والحب
كلش جانت طيبه وتحبنا
ولدت ماما النور والنيزك وجانت تدري حالتها صعبه
وما راح تكدر تكمل ويانا
بعد ولادتها بأقل من شهر تركتنا وتوفت
جانت هذي اول خسائري
جنت كلش صغيرة
تقريبا خمس سنوات وبس اشوف الأطفال ويه امهم يجون ويرحون احس نفسي اختنك
مو حسد بس الإنسان يبقى يفتقد الي يحبهم بكل وقت
سكتت
كعد وكال
ليث : كملي
روح : اممم
بابا جان يحبنا بشكل مو طبيعي
جان دائما يصيحلنا بأحلى الغزل وكدام الكل
بكل مكان لحد هذا عمرنا جان هو يغسل ملابسنا هو يمشطلنا هو يطبخ حتى باجتماعات الشغل مالته جان ما يتركنا كدام الكل جان يكعدنا ويأكلنا ما يخلي لقمة بفمه قبل ما نكون شبعانين تماما
بليل جانت نومتنا معروفة
جنت اني وضي كل وحده على ايد
والنور والنيزك على صدره
جان يبقى يقرأ قصص النا لو يغني النا لحد ما انام
تعب حيل
كان الام والاب
يوميه الصبح هوه يحضر جنطنا وملابسنا
بليل يكعد ويانا يحضر النا واجباتنا
رغم شغله المتعب لكن كان ما يقبل يبات بعيد عنا
لان يعرف ما نكدر انام بدونا
صعب كلش صعب فقدانه
كل مره اذكر شلون شفته اخر مره احس روحي تطلع
