من كتلي تجيك بحلم
غمضت وأهل الكهف
ما نامو بكدي
نغمة الفراق
• • •
كلشي منك
عيوني من ما تغفه منك
الليل من ما يكضي منك
من اتيه بشارع وما ادري المن
هاي منك
من يصيحوني البكبري
وما ارد لصواتهم هالصفنه منك
• • •
نغم
ليلى : انا هيج تحجين وياي
اخذتني سحل للمخزن جان البيت فارغ كلها بالدوامات ذبتني بيه وبدت تضرب بيه بكل قوتها ترتاح وترجع تضربني من جديد مزكت ملابسي كلهن
كيفت من عافتني تركتني وقفلت المخزن وطلعت دقائق ورجعت وبعدها سيخ شوي جنت من الضرب ما بيه حيل اتحرك دارتني برجلها على بطني وخلت السيخ على ركبتي وصارت تمشيه من ركبتي لنهاية ظهري خلصت وجابت سيخ ثاني وحركت بيه ايدي
وسيخ ثالث حركت بيه صدري الى ان فقدت الوعي
كعدت وانا بالمستشفى
هاشم : ها بابا شلون صرتي شتحسين
نغم بعياط: طلعوا مني اكرهكم كلكم اكرهكم كلكم
عوفونييي عوفونيييي
حاول يحضني ويهديني بس اني على صرخه وحده اجو ليث ومحمد يحاولون يهدوني بس ما كدرو لمن ضربوني مخدر ورجعت نمت
كعدت لكيت بابا ايده على راسي يمسح بيها على شعري ومحمد نايم على أيدي هوه وليث نايم على الكرسي
تحركت رفع رأسه بابا
هاشم : حبيبتي بابا كعدتي
نغم : انيت بألم
هاشم : بابا منو وشلون صار بيج هيج
نغم : مرتك سوت هيج
هاشم : امج ؟ ليش هيج تأذيج
نغم : مو امييي مو امييي طول عمرها تكرهني وتعذبني والله اقتل روحي إذا بقينا اني وياها أبيت واحد شنو ذنبي شنو سويت ليش هيج حركتني وشوهت جسمي والله حرام والله ما مأذيه احد طول عمرها تقلل مني وتهيني وتريد الحجه بس حتى تضربني بسبب وبدون سبب
ليش ما عندي ام مثل عمه فرح لو عمه سماح
ليش هيج امي تسوي بيه
هاشم : ما عليج بابا والله اخذ حقج منها
مرت كم يوم ورجعوني للبيت جانت ما موجوده بيج
سألت رفل عنها
رفل : عمو قبل يومين اجه للبيت وكتلها وطلقها
نغم : احسن شي سواه بحياته
رفل : ليش تكرهكم اكو واحد يكره أولاده
نغم : عوفينا من سيرتها شلونها ضي
رفل : بعدها بغيبوبتها
نغم : اووف لمته ترجع بيناتنا
رفل : اي والله طيبه حيل اشتاقينالها
اجتي روح من المستشفى سبحت وسلمت عليه جانت كلش تعبانه نامت شويه ورجعت مرت خمس ايام وكالو ضي صحت كلها راحتلها بس اني يومين وطلعت من المستشفى اجتي سلمت عليه مرت الايام وخلصت هذي السنه اجه وقت عملية ضي وسافروا بعدها بأيام بابا حجز التركيا حتر يسوولي عمليات تجميل بمكان الحرك ..
روح
مرت الايام انا و ليث صارت بيناتنا صداقه كلش قوية اانتهت السنه الدراسيه وكلنا نجحنا بمعدلات كلش عاليه
قررنا نسافر سافرو ويانا لؤي ومحمد وليث
رحنا اول شي لأمريكا التقيت بلحن وناي واجن ويانا
علمود عمليه ضي جانت ضي ما تبين خوفها
اصلا تكول عادي
بس هيه توأمي اعرف انها تخفي كل هالمشاعر بداخلها
قبل العمليه بيوم ضي اختفت عزلت روحها بالغرفه وما تحجي ويا اي احد حاولنا هواي
حقها صراحتا هوه اخنا وخايفين شنو حالها هيه
بالعشا دكيت عليها الباب
روح : ضي حبيبتي فتحي الباب تعالي اخذي اكل مو زين عليج ما جاوبتني
رجعت يمهم
ليث : ها نفس الحاله ؟
روح : كلت اي وصلت شهكاتي اجني البنات حضنني يسكتني بس صارن يبون وياي كلنا اعصابنا مشدوده
ضي من الناس الي تدخل الكلب بسرعه اجه ابالي همام وشكد ضي تحبه
اتصلت على ايهم ابن خالي
ايهم : hello ?
روح : hi Ayham
ايهم : روح هاي انتي
روح : اي ايهم اني روح
ايهم بداعة الخوة اذا تندل وين همام كول
ايهم : همام شتريدين منه
روح : ايهم بابا وجود ومهيمن انقتلو قبل اشهر
وباجر ضي راح تدخل للعمليات واذا ما شافتكم يمها
مستحيل تسامحكم وحتى اني ما اسامحكم
ولكم سنتين ما سألتو ما كلتو أهلنا وين صارو ليش هيج تسوون ليش
تدرون شكد بجيت
تدون ضي شكد كتمت
تدون من تمرضنا ومحد يمنا
هم حاسبين روحكم اخوان
ليش هيج تسوون بينا
ايهم : روح هاج همام
همام : ها حبيبتي روح شلونج
روح : من لعنت الله على اليوم الشافت بيه روح الدنيا
ولكم ليش هيج ناوين على دمارنا
ليش هيج تتركونا كلكم سوه
ليش ما حملتو مسؤوليتنا
ليش اذيتونا
ليش هيج تسوون
شلوني يعني واني اشوف ابوي واخواني موته كدامي
شلوني واني اشوف ضي من غيبوبه لغيبوبه
ومن عمليه لعمليه
شلوني وانا اشوف ضيي حابسه نفسها بالغرفه يومين
لان خايفه من العمليه
ليش تخلونا نتحمل كل هذا وحدنا
ولكم والله حرام عليكم
انهارت بالبجي اجه ليث انكيتا المبايل
ضل يحجي وياه ويدليه على مكانا بعد ساعات دك الباب مالت الشقه ..
بنفس الوقت صار صوت بجي يجي من غرفه ضي تعالى صوت البجي لحد ما صار صرخات مال شخص ينازع روحه رحت دكيت الباب عليها ومحمد فتح الباب دخلو الولد كامو يدكون بالباب يحجون وياها ماكو لحد ما كسروا الباب ..
ضي
غيث : عليج الله ضي لا تكولين هيج والله راح تطلعين منها بنيتي حبيبتي لا تخافين
ضل يطمن بيه
على العشا نزلت يمهم
كعدت يم جدو وخليت راسي بحضنه
كام يمسح على شعري لحد ما نمت واني بحضنه ما اكلت اي لكمه الصبح بدلت ومشطت كملت الجنط
ونزلت جوه سلمت عليهم
سليمان : بابا ضي لا تخافين كلنا وياج
ما كدرت احجي هزيت راسي حضني جدو
وضل يحجي باذني ويطمني
رحنا ركبنا السيارت وصلنا المطار بعد ساعه صار وقت رحلتنا رحنا لأمريكا لان ردت اشوف البنات
ضلينا يمهن اسبوعين بعدين رحنا لألمانيا واجن هنا ويانا
ضليت احسب ايام العمليه خايفه مكسورة مهضومه
من كل البنات بهيج لحضه مصيريه لا امي تهديني
ولا ابوي يمسح على راسي كضيت الليل ابجي
خايفه من الموت مهضومه لان كلهم تركوني
حتى همام الي ولا سأل عنه طول سنتين ليش هيج سوو ليش محد يحبني
خابرني غيث يحاول يطمني بس دموعي جانت تشرح الموقف اي نعم واخيرا نزلت دموعي نزلت الدموع الي ما طلعتها بموت امي
نزلت الدموع الي خفيتها من استقر مهيمن بالعراق
نزلت الدموع الي ما طلعتها من سافر همام
ومن اشتاقله واتصل بيه وما يجاوبني
نزلت دموعي على موت مهيمن وجود وبابا كدامي تعالى صوت شهكاتي جانت المكالمه مفتوحه لسه
ما تحملت غلقتها سمعت دكات الباب صارت عاليه ما جاوبت استمريت ابجي دخلت بنوبة بكاء على كل شي سيء مريت بيه على كل لحظه حسيت بيها بالنقص لان يتيمه بجيت بحركه وبألم تحول البجي لصرخات الى ان كسروا الباب دخل همام اني شفته واني زدت بالبجي حاول يحضني كمت اضرب بيه
ضي : ولك ليش هيج ليش عفتني ليش كلكم ما تحبوني ليش تتمتعون بكسرتي ليش تحبون اذيتي ولكم جايي اموت والله باجر ادخل للموت برجليه ولا ابو يمي ولا ام ليش انا هيج من دون البنات ليش لازم اصبر واتحمل تعبتت والله تعبت والله بعدني طفله والله بعدني صغيرة اريد امي همام اريد ابوي اريد جود ومهيمن ليش هيج ليش ..
شنو راح يصير بالعمليه ؟
هل راح تنجح لو لا ؟
انتظرونا بالبارت القادم
