وياما رتبنا الحجي بس ما حجينا
نغمة الفراق
• • •
وره هذا التعب كله
شبعد يا روحي متأملة
هاي المعركه البيها الخيول تطيح
لو بس على الفارس
جا كلت سهله
وكت هذا الضياع يصير
باكثر درب جانت روحي تندله
• • •
ناي
جانت الخطه الي كالتها ضي جدا محكمه مستحيل احد يلكانه بهاي الطريقه طلعنا انا ولحن من البيت وصعدنا تكسي وصلنا للمنطقه الأولى الي تكون سياحية مزدحمه جدا دخلنا للحمامات وغيرت الجاكيتات والقبعات وفتحت شعري وركبنا تكسي للمنطقة الثانيه بالخطه كانت المنطقة اغلب الناس الي بيها طلاب وبيها هواي جامعات رجعنا غيرنا ملابسنا وانتقلنا للواجهة الثالثة كانت بين منطقة ومنطقة ٣ ساعات تقريبا وطول الوقت كنت على اتصال بضي وصلت المنطقة الثالثة وجانت مزارع كلش حلوة وجبال
ناي : ضي هسه وين نروح
ضي : شوفي اكو بيت منهم جنه نروحله بالعطله يصيرون أصدقاء بابا تذكرينهم عندهم مزرعه روحي يمهم وكوليلهم اجيتكم زيارة هنا كلش حلوو المكان تبقين بيه علما اشوف طريقه حتى تجين للعراق
نغم
خطة ضي خلتنا كلنا بصدمه من طريقة تفكيرها
وحلها للمشاكل بس هواي بيها نقص مثلا ما تكدر تسفرهن لانهن تحت السن القانوني وما تكدر تخلصهن من ابوهن بشكل كامل
روح : هسه نكمل ؟
هههه هاي ليش صافنين
هسه اكيد عرفتوا ضي منو
اكثر انسان ذكي ويعرف يله حلول لكل مشكله
بالإضافة إلى انها جدا مهملة وما تحب احد يأمرها
ليث : متأكدات انتن خوات
روح : هههه مو لهذي الدرجه
لواء ومحمد بهمس : معقوله هذي بنت ؟
ضي : ليش مستصغرين المرأة
اكثر شي لازم تخافون منه كيد النساء
كالتها وراحت تكوم
ليث : وين وين بعد وقت لازم نتابع افلام
ضي : يا فئة نشوف؟
لؤي : كوميدي
خليل : مغامرات
ضي : خلص تريدون رعب نتابع رعب
ضلو واحد يباوع للثاني
ضحك غفار
غفار : ولو تأمرين
طلع فلم رعب
وكعدنا نتابع الفلم وكلهم جانو منتبهين للفلم بس اني جنت منتبهة لتصرفات ضي
نظراتها البارده حركاتها المدروسه
حتى الولد خافو شوي من الفلم
بس ضي شخصيتها جدا عجيبه خلص الفلم وصارت الساعه ب ٣ الفجر
كلنا رحنا لغرفنا
ضي
بعد ما رجعنا للغرفه ضليت طول الطريق فاتحه مكالمه ويه ناي الى ان وصلت لبر الامان يله غلقته
باوعت للساعه لكيتها ٩ الصبح كمت سويت الروحي قهوة وشربتها كعدوا النور والنيزك هذي الايام كانت اول ايام شهر محرم جانت لاجواء المواكب الطابع الجميل بالروح جدا احساس حلو وانت بين اهلك بين ناس تحمل نفس معتقداتك تحس بالانتماء الحقيقي
بالنسبة الناي ولحن اذا نريد نطلعهن مناك
فنحتاج عدة خطوات
اول شي ابوهن يتنازل عنهن
ثاني شي يروحن دار ايتام
ويكملن هاي السنه بيها
ثالث شي اخلي عائلة تتبناهن وتجيبهن للعراق
وهنا راح تنتهي كلشي
