باجر تغثهم الظلمه
منيلهم مثلي شمس
نغمة الفراق
• • •
تدري البارحه شكد افتقدناك
من كلنا نجمعنا وما لكيناك
مكانك خالي بس حاضر خيالك
وكمنه بلا وعي نحضنه ببدالك
ورد بارد حضنه وما حضناك
تدري البارحه شكد افتقدناك
تدري بيك نعرف لمته موجود
من بالبيت نشتم ريحه ورود
عطر انفاسك نميزه من الأنفاس
وفرق بس عطرك نشمه بالاحساس
وكل جره نفس بيها ذكرناك
تدري البارحه شكد افتقدناك
نحس روحك ترفرف يمنه بالبيت
ومن يمي فتت بيك اني حسيت
طبع بينه الحزن يبدي من الغروب
ومن نيجي عليك تدمع كلوب
وما ضل كلب عدنا من بجيناك
تدري البارحه شكد افتقدناك
• • •
رند
رجعت نغم من السفر بعد ثلاثة أسابيع وهيه متعافيه
من الحروق دخل الفرح لأيام لبيتنا بس القلق يحتل قلوبنا كلنا بعد يومين عملية ضي
قبل يوم من العمليه دزولنا فيديو جانت منهاره تماما
ما تستاهل كل الي يصير وياها هواي تعبت بحياتها
ثاني يوم كعدت الصبح لكيت فيديو على تليفوني
فتحته جانت وصيتها بجيت بجي مو طبيعي
دخلت ريم
ريم : شبيج رند
اعطيتها التلفون شافتها وكامت تبجي
طلعنا نتريك
واني كل لقمه تختلط وياها دموعي
والكل الحزن محتل كلوبهم
الواضح انهم كلهم شايفين الفيديو
مر اليوم وثاني يوم اتصلو بينا كالو دخلت غيبوبه
هنا كل البيت انهار
حتى الي ما بجه كلبه تأذه
بس الكل الحزن مرسوم على وجهه
بعد اربع ايام سافر جدو وعمو علي حتى يبقون يمها ويرجعون محمد وليث ولؤي
مر اسبوع وهمه رجعو
كالو ان اخوانها بقو يمها
ما سألنه هواي جانو كلش تعبانين
مر الاسبوع والاسبوعين بنفس الوضع
بعدها رجعو جدو وعمو علي وراحو بدالهم بابا وعمو إبراهيم وغفار
اسبوعين ورجعو
وهكذا مرت الايام
خلص الشهر والشهرين
والحال نفسها بدأ الكل يرجع بحياته
بس جدو جان يروح ويرجع واخر شي استقر هناك
لان ما يكدر يسافر كلساع
نغم
سافرنا لتركيا انا وبابا
وهناك ايام وجهزوني للعمليه
جان بابا كل يوميه يطلعني مطاعم
ونفتر بشوارع تركيا
هذي السفره رجعت العلاقه بيناتنا
سوالي العمليه وبعد ما اكدر اتحرك
حتى لا تخرب رجعنا للعراق وخبر ضي
جان مؤلم رجعو ليث ومحمد واثنينهم نفسياتهم تعبانه
وما يحجون ويه احد
سئلتهم عن حال روح وسولفولي كلشي
كلش تأذيت وأثر الموضوع بيه هواي
مرت الايام والاسابيع والاشهر والوضع مثل ما هوه
ماكو اي شي جديد حياتنا روتينيه
روح
كانت كلمات الدكتور عباره عن صاعقه ضربت كل جوارحي غمضت واسودت الدنيا بعيني كعدت
واني بوحده من غرف المستشفى وليث يمي
كمت
ليث : ها حبيبي كعدتي
روح : ليش وين ضي شصار بيها
ليث : حبيبي والله ما بيها شي نايمه بوحده من الغرف
كم يوم وتكعد
روح : ليث بليز اريد اشوفها
ليث : من عيوني
سندني واخذني لغرفتها شفتها شلون نايمه والاجهزه مشكله بيها ما تحملت انهاريت
ولكم والله ما شافت راحه بحياتها
والله زغيره بعدها
ما شبعنا لا من ابو ولا من ام
ليش نعيش غربه بنص اهلنا
ليش مكتوبلنا نضل نحس بالنقص
